قصّة شعر كانت بداية عشق زعيم المافيا حكايات شروق خالد
«إنت عملت إيه يا محمود؟»
رد عليها بسرعة:
«والله ماكنتش أقصد، بس هما بيهددوني، وقالوا لو الفلوس مرجعتش قبل بكرة، مش هيسيبونا في حالنا.»
نور قفلت عينيها للحظة.
وبعدين سألت السؤال اللي كانت خايفة تسمع إجابته:
«إنت واخد منهم كام؟»
محمود قال رقم خلّى الدنيا تلف بيها.
وفي اللحظة دي، نور ماكانتش تعرف إن المصيبة اللي أخوها دخلها فيها هتكون السبب اللي هيجمعها بأدهم الماركيتي من جديد، لكن المرة الجاية مش هيكون مجرد زبون جاي يقص شعره.
هيكون الراجل الوحيد اللي ممكن ينقذها من اللي مستنيها.
#حكايات_شروق_خالدنور فضلت ماسكة التليفون ومش قادرة تنطق، بعد ما أخوها قالها إنه استلف مليون ونص جنيه من ناس محدش يقدر يقف قدامهم، وإنه كان فاكر إنه هيعرف يرجعهم قبل ما يطلبوا الفلوس.
صرخت فيه وهي مش مصدقة اللي بتسمعه:
«مليون ونص يا محمود؟! إنت اتجننت؟! إنت جبت الرقم ده منين أصلًا؟ وإزاي تستلفه من ناس إنت مش قد كلمتهم؟!»
محمود رد بصوت مكسور:
«والله يا نور كنت فاكر إني هكسبهم في شغلانة وأرجع الفلوس، بس الشغلانة باظت، والفلوس راحت كلها.»
«وأنا ذنبي إيه؟! إنت ليه كل ما تعمل مصيبة تيجي ترميني فيها؟!»
«عشان إنتِ أختي يا نور، ومليش غيرك.»
نور ضحكت بوجع، والدموع بدأت تنزل من عينيها.
«أختك؟! إنت فاكر إن كلمة أختك دي هتخليني أطلعلك مليون ونص من جيبي؟! أنا بشتغل طول اليوم عشان أصرف على نفسي وعلى ماما، وبحوش كل جنيه عشان نعرف نعيش، إنت عايزني أعمل إيه؟ أبيع كليتي؟!»
محمود سكت، وبعدها قال بصوت واطي:
«هما قالوا إنك لو مجيتيش النهارده، هييجوا ياخدوكي بدل الفلوس.»
نور حست ببرودة بتسري في جسمها.
«ياخدوني فين؟!»
«معرفش… بس الراجل اللي كلمني قال إنهم مش هيسيبونا غير لما حقهم يرجع.»
نور قفلت المكالمة من غير ما ترد.
وقفت في نص الصالون، بتبص حواليها وكأنها أول مرة تشوف المكان. كل حاجة فيه كانت بسيطة، لكنها كانت كل اللي تملكه في الدنيا. تعب سنين، ووقفة على رجليها من الصبح لحد بالليل، وفلوس بتحوشها عشان تأمّن مستقبلها ومستقبل أمها.
ودلوقتي، كل ده مهدد يضيع بسبب تهور أخوها.
مسحت دموعها بسرعة، وقررت إنها مش هتسيب الخوف يتحكم فيها.
قفلت الصالون، وخرجت للشارع، وبدأت تمشي ناحية موقف العربيات. كانت الساعة قربت من تسعة بالليل، والزحمة لسه موجودة، وأصوات الكلاكسات والباعة مالية الشارع.
