طفلة صغيرة كشفت سر أخطر عيلة في مصر ج2 حكايات شروق خالد
لكن مين اللي سممها؟
قلبت باقي الورق، ولقيت خطاب بخط أبويا.
كان بيقول:
«يا فؤاد، أنا عارف إنك بتحاول تحمي محمود، لكن اللي حصل لفريدة ما ينفعش يفضل مستخبي. لو ما قلتش الحقيقة، هضطر أواجهه بنفسي.»
الخطاب كان متأرخ قبل وفاة أبويا بشهر واحد.
بدأت أفهم إن أبويا اكتشف الحقيقة، لكنه مات قبل ما يقدر يكشفها.
وفجأة، سمعت صوت باب العيادة بيتقفل تحت.
رفعت رأسي.
خطوات كانت بتقرب من المكتب.
طلعت مس\دسي، ووقفت ورا الباب.
لكن اللي دخل ما كانش الدكتور فؤاد.
كانت ست في أواخر الخمسينات، لابسة إسدال كحلي، ووشها شاحب من الخوف.
أول ما شافتني، رفعت إيديها وقالت:
«أرجوك ما تضربنيش. أنا جاية أساعدك.»
بصيتلها بحذر.
«إنتِ مين؟»
ردت وهي بتعيط:
«اسمي أمينة. أنا اللي ربيت سلمى بعد ما أمها ماتت.»
اتصدمت.
«إنتِ ست أمينة؟»
هزت راسها.
«أيوه. سلمى مش بنت أبوك بس يا ياسين. فيه حاجة تانية لازم تعرفها.»
قربت منها، وقلت:
«إنتِ تعرفي سلمى فين؟»
قالت بسرعة:
«لأ، بس أعرف الدكتور فؤاد بيخبيها فين. وأنا عارفة كمان مين اللي قتل مدام فريدة.»
حسيت إن كل عضلة في جسمي اتشدت.
«مين؟»
بصتلي، ودموعها بتنزل، وقالت:
«محمود ما قتلهاش بإيده. اللي سممها كان الدكتور فؤاد، لكن اللي أمره بكده ما كانش محمود.»
سكتت لحظة، وبعدين قالت الجملة اللي ما كنتش مستعد أسمعها أبدًا:
«اللي أمر بقتل أمك يا ياسين… كان أبوك.»
رجعت خطوة لورا، وحسيت إن الأرض اختفت من تحت رجلي.
أبويا؟
الراجل اللي كنت طول عمري فاكره ضحية، واللي كنت بحاول أنتقم لأجله ولأجل أمي؟
هو اللي أمر بقتلها؟
أمينة مسكت إيدي وهي بتعيط.
«أنا عارفة إن الكلام ده صعب عليك، بس أبوك كان عايز يمنع فضيحة كبيرة. أمك اكتشفت إن فيه جري\مة تانية حصلت قبل سنين، وإن أبوك ومحمود وفؤاد كلهم كانوا متورطين فيها.»
بصيتلها بذهول.
«جري\مة إيه؟»
أمينة فتحت شنطتها، وطلعت صورة قديمة لراجل شاب واقف جنب ست حامل.
وقالت:
«الجري\مة اللي بسببها أم سلمى ماتت، واللي خلت أبوك يقرر إنه لازم يسكت كل اللي يعرفوا الحقيقة.»
أخدت الصورة من إيدها.
الراجل اللي فيها كان أبويا.
والست الحامل كانت أم سلمى.
لكن على ظهر الصورة، كان فيه اسم مكتوب بخط أمي.
«الطفل اللي مات ما كانش ابن محمود… كان ابن ياسين.»
فضلت باصص للجملة، مش قادر أفهم معناها.
