فضلت باصة لأحمد، مش قادرة أصدق اللي سمعته. ابني أنا؟! يعني ابني كريم كان عارف حكاية محمود؟ وعنده تسجيل بصوته، ومخبي عني كل ده؟!حسيت إن رجلي مش شيلاني، وقعدت على الكنبة وأنا بقول: «لأ، مستحيل! كريم ميعرفش حاجة عن محمود أصلًا، أنا عمري ما حكيتله عنه! » أحمد رد بهدوء: «يمكن هو نفسه ميعرفش كل التفاصيل، بس أبويا قال في آخر ورقة كتبها إنه سلّم نسخة من التسجيل لابنك من حوالي سنتين.» حطيت إيدي على راسي وقلت: «طب ليه؟ ليه محمود يبعت لابني تسجيل من غير ما يقولي؟ !» أحمد سكت شوية، وبعدها قال: «مش عارف، بس لازم تسأليه بنفسك.» مسكت موبايلي واتصلت بكريم. رد بعد كام رنة، وكان صوته عادي جدًا.«أيوه يا ماما، عاملة إيه؟» حاولت أتماسك وقلتله: «عايزاك تيجي البيت النهارده يا كريم، ضروري.» ضحك وقال: «خير يا ست الكل؟ إنتِ كويسة؟» قلتله بصوت جاد: «لما تيجي هتعرف. بس عايزاك تيجي لوحدك.» قفلنا، وأنا فضلت قاعدة مستنياه، وكل دقيقة كانت بتمر عليا كأنها ساعة. بعد حوالي ساعتين، سمعت صوت المفتاح في الباب. دخل كريم، وأول ما شاف أحمد قاعد جنبي، وقف مكانه. وشه اتغير، وعينيه راحت من أحمد ليا، وبعدها قال بصوت متوتر: «إنت... إنت بتعمل إيه هنا؟!» بصيتله باستغراب.«إنت تعرف أحمد؟!» كريم بلع ريقه، وحاول يبتسم، لكن ابتسامته كانت باينة إنها مصطنعة.«أيوه يا ماما، أعرفه.» حسيت إن قلبي وقع. «وتعرف أبوه محمود كمان؟» ساعتها كريم نزل عينه للأرض، وسكت. الصمت اللي حصل كان كفاية إنه يجاوبني. قومت من مكاني وقلتله: «بصلي يا كريم! إنت تعرف محمود منين؟ وإيه التسجيل اللي هو سايبه عندك؟!» كريم قعد على الكرسي وحط إيده على وشه. وبعد لحظات، قال: «أنا آسف يا ماما.» الكلمتين دول خلوني أرتعش.«آسف على إيه؟! إنت مخبي عني إيه؟!» رفع عينه ليا، وكانت مليانة دموع.«من سنتين، جالي راجل كبير في السن، وقاللي إنه يعرفك من زمان، وإنه عايز يوصلّك رسالة، بس مش عايز يسببلك أي مشاكل. اداني ظرف فيه تسجيل، وطلب مني أحتفظ بيه لحد ما يجي الوقت المناسب.» صرخت فيه: «وإنت ليه مخبرتنيش؟!» رد بسرعة: «لأن التسجيل كان فيه كلام عن بابا الله يرحمه، وأنا خفت عليكي يا ماما!» وقفت مكاني.«أبوك؟! مال جوزي الله يرحمه بالموضوع؟ !» كريم مسح دموعه وقال: «أنا سمعت التسجيل يا ماما، وعرفت إن في حاجة حصلت زمان بينك وبين محمود، وإن فيه سر له علاقة بجوازك من بابا.» حسيت إن نفسي اتقطع. جوزي اللي عشت معاه أكتر من تلاتين سنة، واللي كنت فاكرة إن حياتي معاه واضحة، طلع فيه جزء من الماضي أنا معرفوش. بصيت لكريم وقلت: «شغّل التسجيل.» كريم اتردد، وبعدها طلع موبايله، وفتح ملف صوتي قديم. وفجأة، صوت محمود ملأ الصالة.«سعاد... أنا عارف إنك غالبًا مش هتسمعي صوتي، بس لو التسجيل ده وصلّك، يبقى خلاص مبقاش عندي وقت. في سر فضلت مخبيه عنك أربعين سنة، ومكنتش عارف أقولك عليه إزاي. الراجل اللي اتجوزتيه بعد ما بعدت عنك، جوزك الله يرحمه، كان يعرف أبويا كويس. وفي اليوم اللي أبويا أجبرني أبعد عنك، حصلت مقابلة بينه وبين جوزك. جوزك وقتها كان لسه شاب، وكان عارف إنك بتحبيني، وكان عارف إن أبويا بيحاول يفرق بينا. لكنه وافق على حاجة عمري ما قدرت أنساها. ..» التسجيل وقف لحظة، وبعدها رجع صوت محمود، أضعف من الأول.«وافق إنه يتجوزك، بشرط إن أبويا يبعدني عن حياتك للأبد.» حسيت إن الدنيا كلها اسودت قدامي. جوزي؟!الراجل اللي عاش معايا كل السنين دي، واللي رباني على إيده، واللي كنت فاكرة إنه اختارني عشان بيحبني، يكون دخل حياتي بالطريقة دي؟ !هزيت راسي بعنف وقلت: «لأ! لأ، الكلام ده كدب! محمود كان تعبان قبل ما يمـ,ـوت، ويمكن يكون فهم حاجة غلط!» لكن التسجيل كمل.«أنا مش بلوم جوزك يا سعاد، يمكن هو كمان كان بيحبك، ويمكن كان فاكر إنه هيقدر يخليكي تنسيني. بس فيه حاجة محدش يعرفها غيري أنا وأبويا...» وفجأة، صوت محمود اتغير، وبقى واضح إنه بيعيط.«في اليوم اللي اتجوزتي فيه، أبويا قالي إنه خلص الموضوع، وإنك وافقتي على الجواز بعد ما عرفتي إني سافرت واتجوزت. بس الحقيقة إني مكنتش سافرت، ومكنتش اتجوزت. أنا كنت واقف بعيد عن بيتكم، وشوفتك وإنتِ خارجة بفستان الفرح، وكنت همـ,ـوت من الوجع. واللي عمري ما قدرت أسامح نفسي عليه، إني معرفتش الحقيقة غير بعد سنين طويلة...» التسجيل سكت ثواني، وبعدها سمعت آخر جملة منه: «سعاد، لو عايزة تعرفي الحقيقة كاملة، اسألي ابنك عن الورقة اللي كانت جوه الظرف الأزرق. الورقة دي هي الدليل الوحيد على إن كل اللي حصل زمان كان متخطط له من البداية.» التسجيل انتهى. فضلت قاعدة مكاني، مش قادرة أتكلم ولا حتى أعيط. بصيت لكريم وقلت: «إيه الظرف الأزرق يا كريم؟» كريم وشه اصفر، وبص لأحمد، وبعدها رجع بصلي.«ماما... أنا عندي الظرف. » قلبي دق بعنف.«فين؟!» قام من مكانه، وراح ناحية شنطته، وطلع ملف قديم كان محطوط جواه ظرف أزرق باهت. حطه قدامي وقال: «أنا كنت ناوي أديهولك، بس كنت خايف الحقيقة تدمرك.» مسكت الظرف وفتحته. جواه ورقة قديمة، عليها توقيع جوزي الله يرحمه، وتوقيع والد محمود. وفي نص الورقة، كان فيه اتفاق مكتوب بخط واضح، بتاريخ قبل جوازي بشهر واحد. قريت أول سطر، وبعدها حسيت إن الدموع نزلت على الورقة من غير ما أحس. كان مكتوب: «يتعهد الطرفان بعدم السماح بعودة محمود عبدالسلام إلى حياة سعاد، على أن يتم زواج سعاد من السيد. ..» لكن قبل ما أكمل بقية السطر، عيني وقعت على اسم الشخص اللي كان المفروض يتجوزني. ومش اسم جوزي الله يرحمه!كان اسم راجل تاني خالص، راجل أنا أعرفه كويس، وكنت فاكرة إنه مـ,ـات من سنين طويلة. رفعت عيني لكريم، وصوتي كله رعشة: «إيه ده؟! مين الراجل ده؟!» كريم بصلي بوجع وقال: «ماما، فيه حاجة لازم تعرفيها... جوزك الله يرحمه مكانش أول راجل اتكتب اسمك عليه في الورقة دي.» وفي اللحظة دي، جرس الباب رن. » وفي اللحظة دي، جرس الباب رن. أحمد قام يفتح، وبعد ثواني سمعته بيقول بصدمة: «إنت؟! إنت جيت هنا إزاي؟!» لفيت وشي ناحية الباب. ولما شفت الراجل الواقف هناك، حسيت إن الماضي اللي دفنته من أربعين سنة رجع يقف قدامي بكل أسراره. كان أخويا الكبير... اللي كنت فاكرة إنه مـ,ـات من تلاتين سنة!#حكايات_شروق_خالدوقفت مكاني وأنا مش مصدقة عيني. الراجل اللي واقف قدام الباب كان شعره أبيض، ووشه مليان تجاعيد، وبيستند على عصاية خشب، لكن عينيه... عينيه هما نفس العيون اللي كنت بشوفها في أحلامي من تلاتين سنة. صرخت من غير ما أحس: «حسن؟!» الراجل رفع عينه ليا، ودموعه نزلت وهو بيقول: «أيوه يا سعاد. .. أنا حسن، أخوكي الكبير.» حطيت إيدي على بقي، ورجعت خطوتين لورا.«إنت عايش؟! إنت عايش يا حسن؟!» قرب مني وهو بيعيط وقال: «سامحيني يا أختي. .. سامحيني إني سبتك كل السنين دي.» مكنتش عارفة أعمل إيه. كنت عايزة أجري عليه وأحضنه، وفي نفس الوقت كنت حاسة بغضب عمري ما حسيت بيه قبل كده. إزاي يسيبني أعيش تلاتين سنة فاكرة إنه مـ,ـات؟! إزاي يخليني أعيط عليه وأزور قبره، وأفضل كل سنة أفتكره وأدعي له، وهو عايش في مكان تاني؟!صرخت فيه: «إنت كنت فين؟! أنا دفنتك بإيدي يا حسن! أنا روحت عزاءك، وفضلت سنين أعيط عليك! إزاي تعمل فيا كده؟! » حسن نزل راسه وقال: «أنا عارف إن مفيش كلام في الدنيا يقدر يصلح اللي حصل، بس والله غصب عني.» رديت عليه وأنا بعيط: «غصب عنك إيه؟! هو حد أجبرك تعيش وتسيب أختك تفتكرك ميت؟!» حسن بص لكريم، وبعدها لأحمد، وقال: «واضح إنكم عرفتوا جزء من الحقيقة. » أحمد رد عليه بغضب: «جزء؟! إحنا اكتشفنا إن عيلتنا كلها عاشت على كذبة، وإن فيه ناس ضيعت عمرها بسبب اتفاقات محدش كان ليه حق يعملها! » حسن قعد على أقرب كرسي، وحط العصاية جنبه، وبعدها بصلي وقال: «يا سعاد، قبل ما تحكمِي عليا، لازم تعرفي إن اللي حصل زمان كان أكبر من مجرد قصة حب بينك وبين محمود. » قلتله بحدة: «أنا مش عايزة أسمع حكايات تاني! أنا عايزة أعرف مين اللي كان المفروض أتجوزه حسب الورقة دي، وليه اسمه اتكتب بدل اسم جوزي؟!» حسن أخد نفس طويل، وبعدها قال: «الراجل اللي اسمه مكتوب في الورقة كان اسمه فؤاد الشناوي.» شهقت أول ما سمعت الاسم. فؤاد الشناوي! ده كان ابن واحد من أكبر رجال الأعمال اللي أبويا كان شغال معاهم زمان. كنت فاكرة إنه سافر بره مصر ومات هناك، بعد ما اختفى فجأة من حياتنا. سألته وأنا مش قادرة أصدق: «فؤاد؟! إيه علاقة فؤاد بكل ده؟ !» حسن رد: «فؤاد كان عايز يتجوزك، وأبويا كان موافق، لأنه كان فاكر إن الجوازة دي هتنقذ العيلة من الديون اللي كانت غرقانة فيها.» قلت بغضب: «يعني كنتوا هتجوزوني لواحد أنا معرفوش عشان الفلوس؟!» حسن هز راسه بحزن.«أبويا كان شايف إن ده الحل الوحيد. هو كان بيحبك فعلًا، لكنه وافق يدخل في الاتفاق عشان يوقف جوازة فؤاد.» اتلخبطت أكتر.«يعني عادل كان بيحبني من قبل ما نتجوز؟» حسن رد: «أيوه. وكان عارف إن قلبك مع محمود، لكنه قال إنك لو اتجوزتيه، هو هيحاول يسعدك ويخليكي تنسي وجعك. » نزلت دموعي وأنا بفتكر عادل. عادل اللي عاش معايا تلاتين سنة، واللي عمره ما أذاني، واللي كان بيخاف عليا من نسمة الهوا. معقول يكون دخل حياتي وهو عارف إن قلبي كان مع حد تاني؟حسن كمل كلامه: «لكن فيه حاجة محدش كان يعرفها غيري وغير عادل. » رفعت عيني ليه.«إيه هي؟» قال بصوت واطي: «محمود مكنش الشخص الوحيد اللي أبويا كان عايز يبعده عنك. أبويا كان عارف إنك لو رفضتي جوازة فؤاد، هتكوني في خطر.» حسيت بالبرد بيسري في جسمي.«خطر إيه؟!» حسن طلع من جيبه صورة قديمة، وحطها قدامي. كانت صورة لأبويا، ووالد محمود، وفؤاد الشناوي، واقفين قدام بيتنا القديم. وعلى ضهر الصورة كان فيه تاريخ، وتحته جملة مكتوبة بخط أبويا: «اللي حصل في الليلة دي لازم يفضل سر لحد ما سعاد تعرف الحقيقة بنفسها.» بصيت لحسن وقلت: «إيه اللي حصل في الليلة دي؟! » حسن غمض عينيه لحظة، وبعدها قال: «الليلة دي، أبوكي اكتشف إن فؤاد مش عايز يتجوزك عشان بيحبك. كان عايز يتجوزك عشان ياخد حاجة من عيلتنا. » سألته بلهفة: «حاجة إيه؟!» حسن رد: «أرض كبيرة كانت باسم جدك، وأبوكي كان مخبي أوراق ملكيتها في مكان محدش يعرفه. فؤاد كان فاكر إنك الوحيدة اللي تعرفي مكان الأوراق دي.» بصيتله باستغراب.«أنا؟! أنا مكنتش أعرف أي حاجة عن أرض جدي! » حسن قال: «وده اللي فؤاد نفسه كان فاكره، لكنه مكنش مصدقك. وعشان كده كان مصمم يتجوزك بأي طريقة. » فجأة، افتكرت حاجة قديمة جدًا. قبل جوازي بأيام، أبويا ناداني في أوضته، واداني مفتاح صغير، وقاللي: «خلي المفتاح ده معاكي يا سعاد، ومهما حصل، متديهوش لأي حد. » ساعتها كنت فاكرة إنه مفتاح درج عادي، وبعد جوازي، المفتاح اختفى وسط حاجتي القديمة. قمت بسرعة من مكاني، وقلت: «استنوا! أنا يمكن يكون عندي المفتاح ده لحد دلوقتي!» دخلت أوضتي، وفتحت الدولاب القديم، وبدأت أقلب في علب الحاجات اللي محتفظة بيها من أيام شبابي. وبعد بحث طويل، لقيت علبة صغيرة من الصفيح، كنت حطاها تحت شوية صور قديمة. فتحتها، ولقيت المفتاح! كان صغير، لونه نحاسي، ومعلق فيه ورقة باهتة مكتوب عليها رقم. رجعت للصالة، وحطيت المفتاح قدام حسن. أول ما شافه، وشه اتغير، وقام من مكانه بصعوبة.«يا نهار أبيض... إنتِ لسه محتفظة بيه؟ !» سألته: «المفتاح ده بيفتح إيه؟! » حسن بصلي وقال: «بيفتح صندوق كان أبوكي مخبيه في البنك، قبل ما يمـ,ـوت بشهور.» أحمد اتدخل وقال: «طب وإحنا مستنيين إيه؟ لازم نروح البنك ونعرف الصندوق ده فيه إيه.» لكن حسن هز راسه وقال: «الموضوع مش بالسهولة دي. البنك اللي كان فيه الصندوق اتقفل من سنين، والصندوق اتنقل لمكان تاني. !» حسن بصلي وقال: «بيفتح صندوق كان أبوكي مخبيه في البنك، قبل ما يمـ,ـوت بشهور.» أحمد اتدخل وقال: «طب وإحنا مستنيين إيه؟ لازم نروح البنك ونعرف الصندوق ده فيه إيه.» لكن حسن هز راسه وقال: «الموضوع مش بالسهولة دي. البنك اللي كان فيه الصندوق اتقفل من سنين، والصندوق اتنقل لمكان تاني. » قلتله: «فين؟» حسن بصلي نظرة غريبة، وبعدها قال: «في بيت العيلة القديم... البيت اللي اتقفل بعد وفـ,ـاة أبوكي، ومحدش دخله من أكتر من تلاتين سنة.» حسيت إن قلبي بيقبض. البيت ده كان في حارة قديمة في شبرا، وفيه عشت طفولتي وشبابي، ومن يوم وفـ,ـاة أبويا وأنا مروحتوش. لكن حسن لسه مخلصش كلامه. قال وهو بيبصلي بجدية: «بس قبل ما نروح، لازم تعرفي إن فؤاد الشناوي لسه عايش.» اتجمدت مكاني.«إيه؟ ! إنت قلت إنه اختفى!» حسن رد: «اختفى من حياتنا، لكن عمره ما مـ,ـات. وأنا من أسبوع عرفت إنه بيدور على نفس الصندوق. » في اللحظة دي، موبايل أحمد رن. بص للشاشة، واتغير لون وشه. رد بسرعة، وفضل يسمع من غير ما يتكلم، وبعدها قفل وبص لنا. قال بصوت متوتر: «في حد دخل بيت العيلة القديم من شوية، وكسر الباب، وفتش الأوض. والشرطة لقت ورقة متعلقة على الباب مكتوب عليها اسم سعاد. » حسيت إن الدم نشف في عروقي. مين اللي دخل البيت؟ وليه اسمي مكتوب على الباب؟حسن قام مستند على عصايته، وقال بصوت حاسم: «مبقاش فيه وقت. لازم نروح هناك قبل ما الشخص ده يرجع.» بصيت لولادي، وبعدها مسكت المفتاح وحطيته في شنطتي. كنت فاكرة إني في سن الـ62 خلاص خلصت حكاياتي، وإن كل اللي فات بقى مجرد ذكريات. لكن الحقيقة إن أكبر سر في حياتي كان لسه مستنيني ورا باب بيتنا القديم. ولما وصلنا البيت، لقينا الباب مفتوح، وعلى الأرض صورة ليا وأنا عندي عشرين سنة، ومكتوب على ضهرها بخط أحمر: «لو فتحتي الصندوق يا سعاد، هتعرفي مين أبو بنتك الحقيقي. » وقفت مكاني، وحسيت إن قلبي وقف. لأن بنتي منى كانت واقفة جنبي، وسمعت كل كلمة. فضلت باصة للصورة اللي على الأرض، وإيدي بتترعش، ومش قادرة أرفع عيني من الجملة المكتوبة بضهرها.«لو فتحتي الصندوق يا سعاد، هتعرفي مين أبو بنتك الحقيقي. » بنتي منى كانت واقفة جنبي، وشها أصفر، ودموعها متجمعة في عينيها. بصتلي وقالت بصوت مكسور: «ماما... هو الكلام ده معناه إيه؟ هو أنا مش بنت بابا؟!» قلبي اتقطع عليها، فقربت منها وحضنتها جامد وقلت: «إنتِ بنتي يا منى، ودي حاجة محدش يقدر يغيرها. أما أبوكي، فهو الراجل اللي رباكي وشالك على إيده، واللي عمري ما شفت منه غير كل خير. » لكن منى بعدت عني شوية وقالت: «أنا مش عايزة كلام يطمني يا ماما، أنا عايزة أعرف الحقيقة.» حسن اتنهد وقال: «يبقى لازم نفتح الصندوق. » دخلنا البيت القديم، وكل خطوة كنت بخطيها كانت بترجعني سنين لورا. نفس الحيطان، نفس الشبابيك الخشب، وحتى ريحة المكان كانت زي ما هي، كأن الزمن وقف عند اليوم اللي خرجت منه آخر مرة. حسن دخلنا أوضة أبويا، وشاور على دولاب خشب قديم في الركن. » قلبنا في الأدراج، لحد ما لقينا تجويف صغير تحت الدرج الأخير. حسن مد إيده وطلع صندوق حديد قديم. حطيت المفتاح النحاسي في القفل، ولفيته. الصندوق اتفتح. كان جواه شوية مستندات، ورسايل، وشريط كاسيت قديم، ومظروف مكتوب عليه اسمي. مسكت المظروف وفتحته، ولقيت جواب من أبويا.«بنتي سعاد...لو إنتِ بتقري الرسالة دي، يبقى أنا مت قبل ما أقدر أصلح الغلط اللي عملته في حقك. أنا كنت السبب في وجعك، وأنا اللي سمحت للخوف والطمع يتحكموا في قراراتي. لما عرفت إنك بتحبي محمود، رفضته مش لأنه وحش، لكن لأني كنت خايف من فقره، وكنت عايز أضمنلك حياة مريحة. ولما فؤاد عرض عليا يسدد ديون العيلة مقابل جوازه منك، وافقت. لكن لما اكتشفت حقيقته، حاولت أتراجع، وكان الوقت فات. عادل دخل حياتك عشان يحميكي من فؤاد، وبعد ما عرف إنك مش بتحبيه، قرر إنه يستناكي لحد ما قلبك يهدى. ولما اتجوزتوه، عمره ما حاول يجبرك تنسي الماضي. أما السر اللي كنت مخبيه، فهو إن فؤاد كان بيهددني إنه هيفضحني قدام العيلة، ويستولي على الأرض اللي ورثناها عن جدك. وأنا من خوفي، وافقت على اتفاقات مكنش ينفع أوافق عليها. سامحيني يا بنتي.» خلصت قراية الرسالة وأنا بعيط. أبويا، اللي كنت طول عمري فاكرة إنه كان بيعمل كل حاجة عشان مصلحتي، كان غلطان، لكنه في آخر أيامه اعترف بغلطه. لكن لسه السؤال الأهم موجود. مين أبو منى الحقيقي؟ فتحت باقي المستندات، ولقيت شهادة ميلاد قديمة، وصورة من تحليل طبي، وجواب من المستشفى. حسن قرب مني وقال: «اقري الورقة الأخيرة يا سعاد.» مسكتها، ولقيت إنها رسالة من الدكتور اللي كان متابع حالتي وقت ولادة منى. كان مكتوب فيها إن منى بنتي من جوزي عادل، وإن الشكوك اللي اتقالت زمان عن نسبها كانت مبنية على معلومات مزورة قدمها فؤاد عشان يضغط على أبويا ويخليه يوافق على الجوازة. حسيت براحة كبيرة، وبصيت لمنى وقلت: «سمعتي يا بنتي؟ إنتِ بنت أبوكي عادل، ومفيش أي حاجة تانية. » منى انفجرت في العياط، وحضنتني وهي بتقول: «أنا كنت عارفة إن بابا عمره ما يخونك ولا يسيبك.» في اللحظة دي، سمعنا صوت حركة عند الباب. لفينا، لقينا راجل كبير واقف، لابس بدلة غامقة، ووشه مليان تجاعيد. كان فؤاد الشناوي. بصلي وقال ببرود: «لسه محتفظة بالصندوق يا سعاد؟ كنت فاكر إنك نسيتي كل حاجة.» حسن وقف قدامي وقال: «كفاية يا فؤاد. اللعبة انتهت.» فؤاد ضحك وقال: «انتهت إيه؟ إنتوا فاكرين إن شوية ورق هيغيروا اللي حصل؟» رفعت رأسي وبصيتله بثبات. «يمكن الورق مايرجعش العمر اللي ضاع، لكنه هيكشف الحقيقة. وإنت المرة دي مش هتقدر تخوفنا. » أحمد كان مسجل كلامه من أول ما دخل، وكريم كان اتصل بالشرطة بعد ما عرف إن فؤاد ممكن ييجي بنفسه. لما فؤاد حاول ياخد الصندوق ويهرب، الشرطة دخلت وقبضت عليه، خصوصًا بعد ما لقوا معاه مستندات مزورة ومحاولات للاستيلاء على أرض العيلة. أما أحمد، ففضل معتذر عن الطريقة اللي دخل بيها حياتي، وأنا قررت أسامحه على قد ما أقدر، لكن حطيت حدود واضحة بينا، وقلتله إن معرفة الحقيقة مش معناها إن كل حاجة ممكن تتصلح في يوم وليلة. وفي يوم عيد ميلادي اللي بعده، صحيت الصبح على صوت جرس الباب. فتحت، لقيت ولادي وأحفادي واقفين قدامي، ومعاهم تورتة كبيرة وبلالين وهدايا. منى حضنتني وقالت: «كل سنة وإنتِ طيبة يا أحلى ماما في الدنيا.» عيطت من الفرحة، مش عشان التورتة ولا الهدايا، لكن عشان البيت اللي كان ساكت من سنة، بقى مليان ضحك وصوت ناس بتحبني. وفي آخر اليوم، طلعت صورة محمود من الصندوق، وبصيتلها للمرة الأخيرة. قلت بصوت واطي: «ربنا يسامحك يا محمود، ويسامحنا كلنا على العمر اللي ضاع. يمكن مكنش لينا نصيب نعيش سوا، لكن على الأقل عرفت الحقيقة قبل ما أمشي من الدنيا. » رجعت الصورة مكانها، وقفلت الصندوق. لأول مرة من أربعين سنة، حسيت إني مش محتاجة ألوم حد، ولا أرجع للماضي، ولا أعيش أسيرة سؤال ملوش إجابة. فهمت إن الوحدة مش معناها إن الإنسان ملوش حد، وإن السن مش نهاية الحياة، وإن حتى بعد ستين سنة ممكن الواحد يبدأ من جديد. أما أحمد، فكان آخر واحد بعتلي رسالة في الليلة دي، كتب فيها: «أبويا كان نفسه يشوفك سعيدة، وأتمنى تكوني أخيرًا لقيتي السلام اللي كان بيدور عليه طول عمره.» ابتسمت، وقفلت الموبايل. لأن المرة دي، مكنتش قاعدة مستنية حد يفتكرني. كنت وسط عيلتي، وعارفة قيمتي، ومتصالحة مع نفسي. وعرفت إن أكبر ندم في حياتي مكنش إني قضيت ليلة مع راجل غريب في عيد ميلادي الـ62، لكن إني سمحت للوحدة تقنعني إن عمري انتهى، وإن مفيش حاجة حلوة ممكن تحصل بعد كده. النهاية.#حكايات_شروق_خالد قضيت ليلة مع غريب في عيد ميلادي الـ62..حكايات شروق خالد
