حكايات شروق خالد

في عيد ميلادي الـ62، قضيت ليلة مع راجل غريب، ولما صحيت الصبح لقيته اختفى، وسايبلي ظرف على الكومودينو جنبيت ليلة مع راجل غريب، ولما صحيت الصبح لقيته اختفى، وسايبلي ظرف على الكومودينو جنب السرير. أول ما فتحت الظرف وشفت اللي جواه، حسيت إن قلبي هيقف من الصدمة، وندمت إني وافقت أقضي الليلة دي معاه! اليوم ده كنت بكمل 62 سنة. صحيت من بدري، وأول حاجة عملتها إني مسكت موبايلي أشوف مين افتكرني وبعتلي يهنيني. كنت مستنية رسالة من بنتي، أو مكالمة من ابني، أو حتى رسالة صغيرة من واحدة من صحابي القدام. بس للأسف، مفيش ولا رسالة واحدة! عدّت ساعة ورا ساعة، ولحد وقت الضهر، محدش افتكر إن النهارده عيد ميلادي. بنتي كانت مشغولة بجوزها وعيالها، وابني عايش في محافظة تانية، ومن يوم ما جوزي الله يرحمه مـ,ـات، وأنا بقيت لوحدي تقريبًا، حتى صحابي اللي كنت بقضي معاهم أحلى أيام عمري، واحدة ورا التانية انشغلوا عني، وبقيت نادرًا لما أشوف حد منهم. قعدت في المطبخ، قدامي تورتة صغيرة كنت شرياها لنفسي من اليوم اللي قبله، وبصيتلها وأنا حاسة بغصة في قلبي. يعني حتى في يوم زي ده، اللي المفروض أفرح فيه، ملقتش حد أقعد معاه!وفجأة، لقيت نفسي بقول: «لأ، أنا مش هقضي اليوم ده محبوسة بين أربع حيطان! » قومت من مكاني، وطلعت فستان أخضر بحبه أوي، ولبسته، وظبطت شعري، ولبست حلق دهب كان بقاله سنين مرمي في علبة الدهب ومش بلبسه. بصيت لنفسي في المراية، وابتسمت ابتسامة صغيرة، وقلت: «لسه في العمر بقية يا سعاد، ومش معنى إنك بقيتي 62 سنة إنك تدفني نفسك وإنتِ لسه عايشة! » أيوه، اسمي سعاد، وكنت ست عادية عاشت عمرها كله عشان بيتها وجوزها وولادها، ولما كبرت، لقيت نفسها لوحدها، كأن السنين اللي فاتت كلها اتمسحت من ذاكرة الناس. نزلت من البيت وقررت أروح وسط البلد، أتمشى شوية وأغير جو. وأنا ماشية، لفت نظري بار صغير في شارع جانبي، فقلت أدخل أقعد فيه شوية. دخلت، ولقيت المكان هادي، والمزيكا صوتها واطي، والناس قاعدين بيتكلموا ويضحكوا. اخترت ترابيزة في ركن بعيد، وطلبت كوباية عصير، وفضلت قاعدة أتفرج على الناس وأحاول أخرج نفسي من حالة الزعل اللي كنت فيها. لحد ما لاحظت راجل قاعد بعيد عني بشوية. كان شكله في أوائل الأربعينات، لابس قميص شيك وساعة غالية، وملامحه هادية. لاحظت إنه بيبص ناحيتي كذا مرة، وفي الآخر قام من مكانه وجالي. وقف قدام الترابيزة وقال بأدب: «مساء الخير، ممكن أقعد معاكي؟ » بصيتله وضحكت وقلت: «إنت متأكد؟ ده أنا ممكن أكون قد أمك!» ضحك وقال: «طب ما يمكن أكون محظوظ وأقعد مع ست محترمة أتعلم منها حاجة!» ضحكت غصب عني، وقلتله: «اتفضل يا سيدي، اقعد.» قعد قدامي، وعرّفني بنفسه وقال إن اسمه أحمد، وإنه شغال مصور، وشغله بيخليه يسافر كتير، وإنه لسه راجع من سفر طويل امبارح. بدأنا نتكلم في مواضيع كتير، والغريب إنه كان بيسمعني بجد، مش زي ناس كتير بتبص في الموبايل وهي بتكلمك. كان بيسألني عن حياتي، وعن شغلي زمان، وعن جوزي الله يرحمه، وعن ولادي. ولما عرف إني عندي 62 سنة، ابتسم وقال: «بصراحة، أنا مكنتش هتوقع إنك في السن ده خالص. » هزيت راسي وقلتله: «يا ابني، دي مجاملة حلوة منك.» لكنه رد بجدية: «والله مش بجاملِك، إنتِ لسه عندك روح حلوة، وده أهم من أي حاجة.» مش عارفة ليه، لكن الكلمتين دول فرّحوني أوي. يمكن عشان بقالي سنين محدش قالي كلمة حلوة من قلبه، أو يمكن عشان كنت محتاجة أحس إن لسه في حد شايفني، مش مجرد ست عجوزة قاعدة لوحدها مستنية أيامها تخلص. فضلنا نتكلم أكتر من ساعتين، ولما سألني عن سبب خروجي لوحدي في اليوم ده، اترددت شوية، وبعدها قلتله: «النهارده عيد ميلادي.» فتح عينيه باستغراب وقال: «إيه ده! وإنتِ قاعدة لوحدك ليه؟» ابتسمت بحزن وقلت: «أعمل إيه؟ كل واحد عنده حياته ومشاغله.» بصلي شوية، وبعدها نادى الجرسون وطلب قطعة جاتوه عليها شمعة صغيرة. ولما الجرسون حطها قدامي، أحمد ابتسم وقال: «يلا يا ستي، اتمني أمنية واطفي الشمعة. مش هينفع عيد ميلادك يعدي كده من غير ما نفرح بيه.» بصيت للشمعة، وحسيت إن دموعي هتنزل، لكن تماسكت وابتسمت. اتمنيت أمنية واحدة بس، إن ربنا مايسبنيش وحيدة لآخر عمري. بعد ما خرجنا من المكان، أحمد عرض عليا يتمشى معايا شوية، ووافقت. فضلنا نتمشى في الشوارع ونتكلم، ولما الوقت اتأخر، قلتله إني حاجزة أوضة في فندق قريب عشان مكنتش عايزة أرجع البيت في وقت متأخر. عرض عليا يوصلني، ووافقت. لكن اللي حصل بعد كده كان سر عمري ما تخيلت إني هحكيه لأي حد. في الليلة دي، ولأول مرة من سنين طويلة، نسيت إني ست عندها 62 سنة، ونسيت كلام الناس، ونسيت إحساسي بالوحدة اللي كان بياكل في قلبي كل يوم. سمحت لنفسي أعيش لحظة كنت فاكرة إنها راحت من عمري خلاص. لكن يا ريتني كنت أعرف إن اللحظة دي هتكون بداية لصدمة عمري!تاني يوم الصبح، صحيت على نور الشمس وهو داخل من الشباك. مديت إيدي ناحية الناحية التانية من السرير، لكن ملقتش أحمد. في الأول، قلت يمكن نزل يجيب فطار، أو خرج يخلص حاجة ورجع، لكن لما بصيت حواليّا، اكتشفت إن هدومه مش موجودة، ومفيش أي أثر ليه في الأوضة. قلبي بدأ يدق بسرعة.«هو مشي من غير ما يقولي حتى؟ !» كنت لسه بحاول أفهم اللي حصل، لحد ما عيني وقعت على ظرف أبيض محطوط فوق الكومودينو، جنبه ورقة صغيرة. مسكت الظرف بإيد بتترعش، وفتحته ببطء. لكن أول ما شفت اللي جواه، حسيت إن الدنيا بتلف بيا، ووشي اصفر، وإيدي سابت الظرف من الصدمة. لأن أحمد مكنش مجرد راجل غريب اتعرفت عليه في ليلة عيد ميلادي زي ما كنت فاكرة...اللي كان سايبهولي جوه الظرف كشف حقيقة عمري ما كنت أتخيلها، وخلاني أندم على اللي حصل بينا ندم عمري كله! كان جواه مبلغ كبير من الفلوس، وصورة قديمة ليا وأنا في عز شبابي، ومعاها جواب مكتوب بخط إيد أحمد. مسكت الصورة وقلبي بيدق بعنف. الصورة دي كانت من أكتر من أربعين سنة، يوم ما كنت لسه بنت عندها عشرين سنة، وكنت واقفة قدام بيت أهلي في شبرا، لابسة فستان أبيض، وجنبي شاب اسمه محمود. محمود كان أول حب في حياتي، والراجل اللي كنت فاكرة إني هتجوزه، لكن اختفى فجأة من حياتي من غير أي تفسير، وبعدها بشهور اتجوزت جوزي الله يرحمه، وقررت أقفل الصفحة دي من عمري للأبد. إزاي أحمد معاه الصورة دي؟!فتحت الجواب بإيد بتترعش، وبدأت أقرا. «يا مدام سعاد، أنا عارف إنك دلوقتي بتكرهيني، ويمكن عمرك ما هتسامحيني على اللي حصل امبارح، بس صدقيني، أنا مدخلتش حياتك بالصدفة، ومكنتش موجود في البار عشان أتعرف عليكي زي ما إنتِ فاكرة. أنا عارف إن اللي عملته غلط، وعارف إنك هتحسي إني استغليت وحدتك، وعشان كده مش هطلب منك تسامحيني دلوقتي. لكن قبل ما تحكمي عليا، لازم تعرفي الحقيقة. أنا أحمد، ابن محمود عبدالسلام... الراجل اللي كان بيحبك من أربعين سنة، واللي اختفى من حياتك فجأة. أبويا مـ,ـات من تلات شهور، وقبل ما يمـ,ـوت، اداني الصورة دي وطلب مني أدور عليكي وأسلمك حاجة كان مخبيها طول السنين دي. ولما لقيتك امبارح، وعرفت إن عيد ميلادك، وإنك لوحدك، مقدرتش أقولك الحقيقة. خفت تمشي وتسيبيني قبل ما أقدر أوصل الأمانة. أنا آسف يا سعاد. والحاجة اللي أبويا سابهالك مش الفلوس دي، لكن الحقيقة اللي اتدفنت أربعين سنة. لو عايزة تعرفي ليه أبويا سابك، تعالي العنوان المكتوب تحت، وهتفهمي كل حاجة. أحمد».خلصت قراية الجواب، وحسيت إن نفسي اتسحب مني. ابن محمود؟!يعني الراجل اللي قضيت معاه الليلة دي هو ابن أول حب في حياتي؟!حطيت إيدي على وشي، ودموعي نزلت من غير ما أحس.«يا نهار أسود... إزاي؟ إزاي محستش؟ إزاي معرفتش؟ » قعدت على طرف السرير، وبقيت أفتكر كل كلمة أحمد قالها امبارح، وكل سؤال سألهولي عن حياتي القديمة، وعن الناس اللي عرفتهم وأنا صغيرة. وفجأة افتكرت إنه سألني سؤال غريب. كان بيقولي: «عمرك ندمتي إنك اتجوزتي جوزك، أو حسيتِ إن في حد تاني كان المفروض يكون في حياتك؟ » وساعتها ضحكت وقلتله إن دي حكايات زمان، وإن كل واحد فينا اختار طريقه. ماكنتش أعرف إنه بيسألني عن أبوه!لكن اللي وجـ,ـعني أكتر من كل ده، إني فضلت طول أربعين سنة فاكرة إن محمود تخلى عني بإرادته، وإنه اختار يبعد عني من غير حتى ما يواجهني. قومت بسرعة، ولميت حاجتي، ولبست، وخدت الظرف والصورة والجواب، ونزلت من الفندق. كنت محتاجة أعرف الحقيقة، حتى لو الحقيقة دي هتوجعني أكتر. العنوان كان في مصر الجديدة، في شارع هادي، قدام عمارة قديمة شكلها اتغير من سنين. طلعت للدور التالت، وخبطت على الباب. فتحلي أحمد. كان واقف قدامي بوش شاحب وعينين حمرا، كأنه هو كمان ما نِمش طول الليل. أول ما شافني، قال بهدوء: «كنت عارف إنك هتيجي.» بصيتله بغضب وقلت: «إنت إزاي تعمل فيا كده؟! إزاي تدخل حياتي بالطريقة دي؟! فتحلي أحمد. كان واقف قدامي بوش شاحب وعينين حمرا، كأنه هو كمان ما نِمش طول الليل. أول ما شافني، قال بهدوء: «كنت عارف إنك هتيجي.» بصيتله بغضب وقلت: «إنت إزاي تعمل فيا كده؟! إزاي تدخل حياتي بالطريقة دي؟! وإزاي تخليني أصدق إنك اتعرفت عليا بالصدفة؟! » نزل عينه للأرض وقال: «عندك حق تزعلي مني، وأنا مش هبرر اللي حصل. أنا غلطت لما خبيت عنك الحقيقة، وكان المفروض أقولك من أول لحظة.» صرخت فيه: «أنا مش جاية أسمع اعتذارك! أنا جاية أعرف أبوك عمل إيه، وليه اختفى من حياتي! » سكت شوية، وبعدها فتح الباب على آخره وقال: «اتفضلي يا مدام سعاد... كل حاجة هتعرفيها النهارده. » دخلت الشقة، ولقيت الصالة مليانة صور قديمة وكتب وأوراق، وعلى الحيطة صورة كبيرة لمحمود وهو في سن الستين تقريبًا. وقفت قدام الصورة، وحسيت إن قلبي بيتقطع. ده كان محمود اللي عرفته، بس الزمن غير ملامحه. أحمد جابلي كوباية مية، وقعد قصادي، وبعدها طلع صندوق خشب صغير من درج مكتبه وحطه على الترابيزة. قال: «أبويا سابلك الصندوق ده قبل ما يمـ,ـوت، وقاللي أوصلهولك بنفسي. » بصيت للصندوق وقلت: «افتحه.» هز راسه وقال: «لأ، إنتِ اللي تفتحيه. دي حاجتك.» فتحت الصندوق، ولقيت جواه رسايل قديمة كتير، مربوطين بشريط أحمر، ومعاهم جواب عليه اسمي بخط محمود. مسكت أول جواب، ولما شفت التاريخ المكتوب عليه، حسيت إن رجلي مش شايلاني. كان بتاريخ من أربعين سنة. فتحت الجواب وبدأت أقرا: «سعاد حبيبتي...لو الرسالة دي وصلتلك، يبقى أنا فشلت أوصلك بنفسي، ويمكن تكوني اتجوزتي وعشتي حياتك، ويمكن تكوني نسيتي اسمي أصلًا. بس أنا عمري ما نسيتك. أنا ممشيتش بإرادتي، ولا بطلت أحبك، ولا في يوم اخترت أبعد عنك. أنا اتجبرت أسيبك، والسبب كان أبويا...» وقفت عن القراية. رفعت عيني لأحمد وقلت بصوت مبحوح: «أبوك هو اللي فرق بينا؟!» أحمد هز راسه ببطء.«أيوه.» حسيت إن الدم بيغلي في عروقي. أربعين سنة وأنا بلوم نفسي، وبقول يمكن أنا مكنتش كفاية، ويمكن هو لقى واحدة أحسن مني، ويمكن الحب اللي بينا مكنش حقيقي. وفي الآخر، يطلع في حد كان السبب في كل ده!مسكت الجواب تاني، وكملت قراية.«أبويا هددني إنه لو اتجوزتك، هيطـ,ـردني من البيت، وهيحرمني من ميراثي، والأصعب من ده كله، إنه قاللي إنه هيأذي أبوكي في شغله، ويخليه يخسر كل حاجة. كنت شاب ضعيف وخايف، وبدل ما أحارب عشانك، صدقت إن بعدي عنك هيحميكي. بس الحقيقة إني كنت جبان، وفضلت طول عمري أدفع تمن جبني. حاولت أوصلك بعد سنين، لكن لما عرفت إنك اتجوزتي وخلفتي، قررت أبعد. قلت لنفسي إنك تستاهلي تعيشي حياتك في هدوء، حتى لو الهدوء ده بعيد عني. أنا مش بطلب منك تسامحيني، بس بطلب منك تعرفي إنك كنتِ الحب الوحيد اللي عمري ما قدرت أنساه.» الدموع غطت عيني، ومقدرتش أكمل. أربعين سنة من عمري ضاعت وأنا فاكرة إن الراجل ده نسيني، بينما هو كان شايل حكايتي جواه لحد آخر يوم في عمره. لكن فجأة، لقيت ورقة تانية طالعة من بين الرسايل. كانت مكتوبة بخط مختلف، خط راجل كبير في السن. بصيت لأحمد وسألته: «دي خط مين؟» اتغيرت ملامحه، وقال: «دي رسالة من جدي... أبو محمود.» فتحتها بسرعة، وبدأت أقرا أول سطر. ولما فهمت المكتوب، حسيت إن كل اللي عرفته من شوية مش إلا نص الحقيقة. لأن الرسالة كشفت سر تاني، سر له علاقة بأبويا أنا شخصيًا، وبسبب حقيقي خلّى محمود يبعد عني. رفعت عيني لأحمد وقلت: «إيه اللي مكتوب هنا؟! أبويا ماله بكل ده؟ !» أحمد سكت لحظات، وبعدها قال بصوت واطي: «في حاجة أبويا معرفش يقولها لك طول حياته... وجدّي اعترف بيها قبل ما يمـ,ـوت.» وبعدين مد إيده ناحية الرسالة، وأشار لسطر في آخر الصفحة.«اقري السطر ده يا مدام سعاد... بس لازم تكوني مستعدة، لأن بعده مش هتبصي للماضي بنفس الطريقة أبدًا. » يتبع...#حكايات_شروق_خالدمسكت الرسالة بإيدي، وقلبي بيدق بسرعة، وعيني نزلت على السطر اللي أحمد أشارلي عليه. كان مكتوب: «أنا اللي خليت أبوكي يفتكر إن محمود كان بيلعب بيكي، وأنا اللي وصلته جواب مزوّر باسم محمود، مكتوب فيه إنه مسافر وهيتجوز واحدة تانية، عشان أضمن إنك تبعدي عنه للأبد. » حسيت إن الأرض بتتهز من تحتي. يعني إيه؟!أبويا الله يرحمه كان فاكر إن محمود ضحك عليا؟! ومحمود كان فاكر إني اتجوزت ونسيت كل حاجة؟!أربعين سنة كاملة، وأنا وهو عايشين على كذبة!حطيت إيدي على صدري، وقلت بصوت متقطع: «يا رب. .. يا رب إيه الظلم ده؟!» أحمد قرب مني، لكنه وقف على مسافة وقال: «اهدي يا مدام سعاد، أرجوكي. أنا عارف إن الكلام صعب، بس لسه فيه حاجات لازم تعرفيها.» بصيتله بوجع وقلت: «لسه فيه إيه أكتر من كده؟ ! أنا ضيعت عمري كله وأنا فاكرة إن محمود سابني عشان واحدة تانية! كنت كل ما أفتكره أقول لنفسي كويس إني بعدت عنه، وإنه ميستاهلش دمعة مني... يطلع هو كمان كان مظلوم!» أحمد نزل عينه وقال: «أبويا عاش عمره كله ندمان. كان بيحتفظ بكل جواب كتبهولك، حتى الجوابات اللي عمره ما بعتها. وقبل ما يمـ,ـوت، طلب مني أوصلك الحقيقة، مهما كان تمنها.» سألته وأنا بمسح دموعي: «طب ليه إنت؟ ليه ماجاش بنفسه طول السنين دي؟» رد بصوت حزين: «لأنه كان خايف يهد حياتك. ولما عرف إن جوزك راجل محترم وإن عندك ولاد، قرر إن ظهوره في حياتك هيكون أنانية منه. كان عايزك تفضلي عايشة في أمان، حتى لو هو هيفضل موجوع.» سكت شوية، وبعدها بصلي وقال: «أنا عارف إنك ممكن متسامحنيش على الطريقة اللي اتعرفت بيها عليكي، وأنا فعلًا غلطان. بس صدقيني، مكنتش عايز أجرحك.» بصيتله وقلت: «أنا مش قادرة أستوعب كل ده يا أحمد. أنا محتاجة أروح.» قام فورًا، وجابلي الشنطة والصندوق، وقال: «هطلبلك عربية توصلك.» وقبل ما أخرج، سألته سؤال كان بيلف في دماغي من ساعة ما دخلت الشقة: «هو أبوك كان بيتكلم عني؟ يعني. رجعت بيتي، وحطيت الصندوق على الترابيزة، وفضلت أقرا الرسايل واحدة ورا التانية. لقيت جواب بتاريخ يوم ميلادي التلاتين، وجواب تاني يوم ما خلفت بنتي، وجواب ثالث مكتوب بعد وفـ,ـاة جوزي. كان محمود عارف إني اتجوزت، وعارف إني بقيت أم، وعارف أخبار كتير عن حياتي، لكنه عمره ما حاول يتدخل فيها. وفي آخر الصندوق، لقيت جواب مكتوب قبل وفـ,ـاته بأيام قليلة. فتحت الجواب، ولقيته بيقول: «سعاد...أنا عارف إننا كبرنا، وإن العمر اللي فات مش هيرجع. مش طالب منك ترجعي تحبيني، ولا حتى تسامحيني. كل اللي نفسي فيه إنك تعرفي إني عمري ما كرهتك، وإنك مكنتيش يوم غلطة في حياتي. إنتِ كنتِ أجمل حاجة حصلتلي، حتى لو مقدرتش أعيش معاكي. ولو ربنا جمعنا في مكان تاني، أتمنى المرة دي أكون أشجع، وأقدر أقولك إني بحبك من غير ما أخاف من حد. » ضمّيت الجواب لصدري، وعيطت زي الطفلة. كنت فاكرة إن قلبي خلاص مـ,ـات من بعد وفـ,ـاة جوزي، لكن اكتشفت إن فيه وجع قديم كان لسه عايش جوايا، مستني اللحظة اللي يطلع فيها للنور. عدّى أسبوع، وأنا مش قادرة أنسى اللي حصل. لا كنت قادرة أكره أحمد تمامًا، ولا كنت قادرة أسامحه على إنه دخل حياتي بالطريقة دي وخبّى عني حقيقته. وفي يوم، وأنا قاعدة في الصالة، رن جرس الباب. فتحت، ولقيت بنتي منى واقفة قدامي، ووشها متغير. قالت: «ماما، إنتِ كويسة؟ بقالي أسبوع بكلمك ومش بتردي عليا، وإنتِ صوتك في التليفون مش طبيعي.» دخلتها، وقعدنا في الصالة. بصت للصندوق اللي على الترابيزة وسألتني: «إيه الرسايل دي يا ماما؟ » كنت طول عمري بخبي عنها حكاية محمود، مش عشان حاجة، لكن لأني كنت فاكرة إن الماضي انتهى ومبقاش له لازمة. لكن المرة دي، قررت أحكيلها. حكيتلها عن محمود، وعن الرسالة المزورة، وعن ابنه أحمد، وعن اللي حصل في عيد ميلادي. ولما خلصت، منى فضلت ساكتة شوية، وبعدها مسكت إيدي وقالت: «يا ماما، أنا زعلانة أوي إنك وصلتي لدرجة إنك تقضي عيد ميلادك لوحدك، وتحسي إن محدش فاكرِك. » الكلام ده وجعني أكتر من أي حاجة. قلت لها: «يا بنتي، أنا مش زعلانة منكم. أنا عارفة إن لكل واحد حياته، بس كنت محتاجة أحس إني لسه مهمة عند حد.» دموعها نزلت، وحضـ,ـنتني وقالت: «إنتِ أهم واحدة في حياتي يا ماما، وأنا آسفة إني قصرت معاكي. » لأول مرة من سنين، حسيت إن فيه حد حضني مش عشان محتاج مني حاجة، لكن عشان هو فعلًا خايف عليا. بعدها بأيام، أحمد بعتلي رسالة اعتذار طويلة، قال فيها إنه مش هيحاول يفرض نفسه في حياتي، وإنه هيسيبلي حرية القرار. فضلت أفكر كتير قبل ما أرد عليه. وفي الآخر، كتبتله: «أنا لسه زعلانة منك، ولسه مش قادرة أنسى الطريقة اللي عرفت بيها الحقيقة. لكن أبوك كان له حق عليا إني أسمع حكايته للآخر. لو عندك أي رسايل تانية، أنا عايزة أعرف كل حاجة. » رد عليا بسرعة: «فيه حاجة أخيرة يا مدام سعاد. أبويا سايبلك تسجيل بصوته، وكان موصيني إني أشغلهولك لو قررتي تسمعيني.» قلبي انقبض. وفي الآخر، كتبتله: «أنا لسه زعلانة منك، ولسه مش قادرة أنسى الطريقة اللي عرفت بيها الحقيقة. لكن أبوك كان له حق عليا إني أسمع حكايته للآخر. لو عندك أي رسايل تانية، أنا عايزة أعرف كل حاجة. » رد عليا بسرعة: «فيه حاجة أخيرة يا مدام سعاد. أبويا سايبلك تسجيل بصوته، وكان موصيني إني أشغلهولك لو قررتي تسمعيني.» قلبي انقبض. كتبتله: «عايزة أسمعه.» وفي اليوم التالي، جالي أحمد ومعاه جهاز صغير، وقعد قدامي، وشغّل التسجيل. وفجأة، سمعت صوت محمود. الصوت اللي كنت فاكرة إني نسيته، لكنه كان لسه عايش في ذاكرتي. قال بصوت ضعيف ومتعب: «سعاد... لو إنتِ بتسمعي صوتي دلوقتي، يبقى أحمد قدر يوصلّك، وأنا أخيرًا هرتاح. فيه حاجة لازم تعرفيها عن آخر مرة شوفتك فيها، قبل ما كل واحد فينا يبعد عن التاني. أنا يومها روحتلك فعلًا، وكنت ناوي أقولك كل الحقيقة، لكن قبل ما أوصل، عرفت إن أبوكي تعبان، وإنه دخل المستشفى، وإنه رافض يشوفني. كنت واقف تحت بيتكم، وشوفتك من بعيد وإنتِ خارجة معاه. كنت عايز أجري عليكي، لكن أبويا كان باعتلي واحد يراقبني، وقاللي لو قربت منك، هيأذيكي. أنا خفت عليكي، ومشيت. بس فيه حاجة تانية عمري ما عرفت أقولها لك. ..» وفجأة، التسجيل وقف. أحمد حاول يشغله تاني، لكن الجهاز طلع صوت تشويش، وبعدها سكت تمامًا. بصيتله وأنا مرعوبة وقلت: «إيه اللي حصل؟! ليه التسجيل وقف؟!» أحمد قلب الجهاز بين إيديه، ووشه اتغير. قال: «مش فاهم... المفروض إن التسجيل كامل. » وبعدين فتح درج صغير في الجهاز، وطلع منه كارت ذاكرة، وفضل يحاول يشغله على موبايله. وبعد دقائق، رفع عينه ليا وقال: «يا مدام سعاد، فيه جزء تاني من التسجيل، بس مش موجود على الجهاز ده. أبويا كان باعت نسخة منه لشخص تاني قبل ما يمـ,ـوت.» سألته بلهفة: «مين الشخص ده؟» بصلي أحمد، وقال اسم خلاني أقف مكاني من الصدمة. لأن الشخص الوحيد اللي كان معاه الجزء الأخير من اعتراف محمود... كان ابني أنا!يتبع...#حكايات_شروق_خالد

مقالات ذات صلة

حياة المعلم بقلم خلود احمد ج٣

الوسيم والصهباء ج٢

رأتها عيني فتورط قلبي بقلم اسراء هاني ج٥ والاخير

ارهقني عشق طفلة بقلم وفاء مطر ج٢

امل 1

ومات الجسد بقلم اسراء هاني شويخ ج٢

اترك تعليقاً إلغاء الرد