رقصة أعادت الحياة ج2 .حكايات شروق خالد
. أنا بس لقت المعلمة الصح.”قرب منها خطوة كمان، والجو في الاستوديو بقى أهدى وأدفى بكثير من ليلة تلاتة الممطرة اللي دخل فيها يزعق لأبوه.”تعرفي يا نور؟” طارق قال بصوت واطي وهو باصص لعينها، “أنا لما دخلت الاستوديو أول مرة، كنت فاكر إني جاي أنقذ بابا من مجازفة غير محسوبة.
. مكنتش اعرف إني أنا اللي محتاج إنقاذ.””عم حسن راجل حكيم،” نور ردت بطف. “كان عارف هو بيعمل إيه.. كان عارف إن الرقص هو الحجة الوحيدة اللي هترجعك تتنفس تاني.”طارق سكت لحظة، وبعدين أخد نفس عميق كأنه بيفرغ كل التوتر اللي عاشه لسنين: “هو فعلاً حكيم.
. وعشان كده أنا مش ناوي أفرط في الفرصة دي.””فرصة إيه؟””فرصة إن الاستوديو ده يبدأ ينور كل يوم، مش بس عشان دروس عم حسن.. عشاننا.”نور رفعت حاجبها بابتسامة فيها شقاوة: “أنت بتعمل العقد بتاعك هنا برضه يا أستاذ طارق؟””طارق بس،” هو قال وهو بيبتسم ابتسامة ساحرة.
“ومفيش عقود.. فيه بس وعد، إن المرة الجاية لما آجي، مش هكون مستخبي ورا فكرة إن إحنا بنعمل توضيح لعم حسن.”المزيكا الجديدة بدأت تشتغل لوحدها في خلفية الشريط، وكانت نغمة أبطأ وأرق من اللي قبلها.
طارق ما استناش، ومشي معاها بمهارة انسيابية فاجأت نور نفسها، وكأنه خلاص حفظ طريقة تحركها واستجابتها معاه. لف بيها في نص القاعة الفاضية، والمرايات اللي حوليهم كانت بتعكس صورتهم، مفيش رسميات، مفيش قيود، ومفيش الخوف القديم اللي كان مشل حركة طارق في الحياة.
لما القاعة هديت مع آخر نغمة، طارق وطى ومسك إيدها وباسها ببطء واحترام، وعينيه فضلت مثبتة على عينها:”أنا جاهز للدرس بتاع الأسبوع الجاي يا نور.. بس المرة دي، العشاء عليا بعد الدرس.”نور ضحكت بقلب صافي، وحست برعشة دافية في قلبها، وهزت راسها بالإيجاب:”مواقفة يا طارق.
. بس بشرط.””إيه هو؟””تنسى التليفون والسواق في العربية بره.. وتسيب نفسك للرقص بس.”طارق ابتسم بابتسامة حقيقية وطالعة من أعماق قلبه، أخد جاكيت بدلته وحطه على كتافه، وبص لها عند الباب وقال:”اتفقنا.. من هنا ورايح، الرقص وبس.
“خرج طارق وقفل الباب ببطء، ونور فضلت واقفة في نص الاستوديو، بتبص لباب الشارع المطر اللي بدأ يقف، وعارفة إن القصة دي.. يلا دوبك بدأت.#حكايات_شروق_خالدعدى أسبوع كامل، وفي خلال الأسبوع ده المعادي كأنها كانت بتستعد. المطر كان خلاص وقف، والجو بليل بقى فيه نسمة خريف دافية ولطيفة.
