حكايات شروق خالد ج3

سارة فضلت باصة لأبوها، وكأنها بتحاول تستوعب كل كلمة قالها.«يعني ماما معاها النسخة الأصلية؟» محمود هز راسه.«أيوه.» ياسين قرب منه.«إيه اللي في النسخة الأصلية؟» محمود بص له بحزن.«كل حاجة.» «كل حاجة إزاي؟» «أسماء الناس اللي شاركوا… التحويلات… أرقام الحسابات… واللي حصل ليلة الشحنة.» سارة قالت: «طب ليه ماما ما قالتش الكلام ده من الأول؟ » محمود رد: «عشان كانت خايفة.» «من مين؟» محمود بص ناحية الرجل المقبوض عليه.«منهم.» الرجل ضحك.«لسه فاكر إنك هتعرف تحميهم؟» ياسين تجاهله. وقال لمحمود: «مكان أمي؟» «أنا مش عارف.» «إنت قلت إنك عارف.» «أنا عارف المكان اللي كانوا بيستخدموه زمان.» «فين؟» محمود قال: «مخزن قديم في شبرا.» ياسين مسك مفاتيحه.«هنروح.» سارة قالت فورًا: «أنا جاية معاك. » «لأ.» «دي أمي.» «وعشان كده مش هعرضك للخطر.» سارة وقفت قدامه.«أنا طول عمري بيتقرر عني مين أحمي ومين ما أحميش. المرة دي لأ.» ياسين بص لها.«سارة، الموضوع مش لعبة.» «أنا عارفة.» «ممكن يكون فيه ناس مسلحة.» «وأمي هناك.» ياسين سكت. محمود قال: «خدها معاك.» ياسين بص له.«ليه؟» «لأن لو شافوا سارة، ممكن يفتكروا إن معاها النسخة الأصلية.» سارة قالت: «وده يخليهم يخرجوا ماما. » ياسين رد: «أو يخليهم يأذوكي.» سارة بصت له بثبات.«يبقى نحسب خطواتنا كويس.» بعد دقائق، كانوا في عربية ياسين. محمود فضل في البيت مع الشرطة عشان يساعدهم في التحقيق. طول الطريق، سارة كانت ساكتة. ياسين سألها: «خايفة؟» «أيوه.» «ممكن ترجعي.» سارة بصت له.«بس مش هعمل كده.» ياسين ابتسم ابتسامة بسيطة.«عرفت ليه اخترتك للوظيفة.» «عشان عشان عرفت أراجع الحسابات؟» «لأ.» «أمال؟» «عشان لما اتكسرتي قدام الناس… ما استسلمتيش.» سارة بصت من الشباك.«أنا ماكنتش قوية.» ياسين قال: «القوة مش إنك ما تخافيش. » وسكت لحظة.«القوة إنك تخافي وتكملي.» سارة بصت له. لأول مرة من بداية اليوم، حست إنها مش لوحدها. بعد حوالي عشرين دقيقة، وصلوا لمنطقة صناعية قديمة في شبرا. كان فيه مخزن مهجور في آخر شارع ضيق. ياسين ركن العربية بعيد. نزل هو وسارة.«استني هنا.» سارة هزت راسها. لكن قبل ما يبعد، مسكت إيده.«ياسين.» لف لها.«لو حصل لي حاجة…» قاطعها: «مش هيحصل. » «بس لو حصل…» «مش هيحصل.» بص في عينيها.«أنا هطلع أمك من هنا.» ودخل المخزن. سارة فضلت مستنية. دقيقة. اتنين. خمسة. وبعدين سمعت صوت خبط شديد من جوه. قامت من مكانها. وبعدها صوت رجل بيصرخ: «هات الصندوق!» سارة اتوترت. وفجأة خرج ياسين من الباب الخلفي وهو ماسك رجل من هدومه.«سارة! اجري!» لكن قبل ما تتحرك… ظهر رجل تاني وراها. وحط إيده على كتفها. سارة اتجمدت. صوت الرجل جه جنب ودنها: «أخيرًا… وصلتي.» ياسين رفع عينه.«سيبها.» الرجل ابتسم.«فين النسخة الأصلية؟» سارة قالت: «مش معايا. » «يبقى أمك هتدفع التمن.» ومن جوه المخزن، خرجت أم سارة. كانت مرهقة، لكن واقفة على رجليها. وأول ما شافت بنتها صرخت: «سارة!» سارة حاولت تجري عليها. لكن الرجل شدها. وفي اللحظة دي، أمها قالت جملة واحدة خلت ياسين يرفع عينه فجأة: «يا ياسين… الراجل اللي . أبوك مش فؤاد.» ياسين تجمد.«إيه؟» أم سارة بصت له. «فؤاد كان مجرد واجهة. تصفيق بطيء. وظهر رجل آخر من الظلام. سارة بصت له. أمها بدأت تبكي. وياسين قال بصوت منخفض: «عمي؟» فؤاد المنشاوي كان واقف قدامهم. فؤاد وقف في نص المخزن، ووشه هادي بشكل يخوف. بص لياسين وقال: «وحشتني يا ابن أخويا.» ياسين ما ردش. كان مركز عينه على الراجل اللي ماسك سارة.«سيبها.» فؤاد ابتسم. «إنت لسه فاكر إنك تقدر تأمر هنا؟» سارة بصت له.«إنت اللي ورا كل ده؟» فؤاد قرب منها ببطء.«إنتي بنت محمود… صح؟» «أيوه.» «أبوك كان غلطة كبيرة.» أم سارة صرخت: «ما تقربش من بنتي! » فؤاد بص لها.«إنتي لسه عندك نفس الصوت العالي.» وبعدين رجع بص لياسين.«أبوك كان فاهم كتير. » ياسين قال: «وإنت .ته.» فؤاد ضحك.«أبوك مات في دــ,,ـــــادثة.» «كذاب.» «دي الحقيقة اللي اتكتبت في الأوراق.» ياسين قبــ,,ـــــض إيده.«أنا عارف إنك كنت هناك.» فؤاد ابتسم.«بس مش معاك دليل.» ياسين رفع الصندوق الصغير.«وده إيه؟» فؤاد لأول مرة ملامحه اتغيرت. «هات الصندوق.» «ليه؟» «لأنه بتاعي.» «لا.» فؤاد أشار للرجل اللي ماسك سارة.«لو ما اديتنيهوش، البنت هتدفع التمن.» سارة قالت بسرعة: «ياسين، ما تديهولوش.» فؤاد ضحك.«شايف؟ حتى وهي خايفة، لسه بتفكر.» ياسين بص لسارة. وبعدين قال: «تمام.» مد الصندوق ناحية فؤاد. لكن في اللحظة اللي فؤاد مد إيده… ياسين رماه في الاتجاه العكس. الرجل اللي ماسك سارة اتفاجئ. ياسين اندفع عليه بسرعة. حصلت خناقة في ثواني. سارة وقعت على الأرض، وأمها جريت ناحيتها.«سارة!» «أنا كويسة يا ماما.» فؤاد حاول يهرب ناحية الباب. لكن ياسين لحقه. مسكه من كتفه.«مش هتهرب.» فؤاد لف وضــ,,ـــــربه. ياسين اتراجع خطوة. فؤاد جرى. لكن قبل ما يوصل للباب… دخلت الشرطة.«مكانك!» فؤاد وقف. رفع إيده ببطء. لكن فجأة ضحك.«إنتوا فاكرين إن القبــ,,ـــــض عليا هيخلص الموضوع؟ » الضابط قال: «هتتحاسب على اللي عملته.» فؤاد بص لياسين.«اسأل أبوك… لو لسه فاكر.» ياسين قرب منه.«أبويا مات.» فؤاد ابتسم.«بالضبط.» سارة بصت لأمها.«هو يقصد إيه؟» أمها كانت بتبكي.«أنا لازم أقولكم الحقيقة.» ياسين التفت لها.«إيه الحقيقة؟» أم سارة طلعت ورقة مطوية من جيبها.«دي النسخة الأصلية.» سارة بصت لها. «كانت معاكي؟» «أيوه.» ياسين أخد الورقة. بدأ يقرأ. وبعد ثواني، وشه اتغير.«إيه ده؟» سارة قربت.«مكتوب إيه؟» ياسين قال: «فيه تحويلات مالية باسم والدي.» سارة اتصدمت.«يعني كان مشارك؟» أمها هزت راسها.«لأ.» «أمال؟» «التحويلات كانت بتتم باسمه من غير علمه.» ياسين بص للورقة. وفي آخر الصفحة كان فيه توقيع. توقيع والد ياسين. لكن أم سارة قالت: «التوقيع مزور.» ياسين رفع عينه.«إنتي متأكدة؟» «أيوه.» «إزاي؟» «لأن أبوك اكتشف التزوير قبل ما يمــ,,ـــــوت. » سارة قالت: «يعني أبويا كان بيحاول يساعده؟» أمها بصت لمحمود، اللي كان واقف عند باب المخزن.«أبوك هو اللي سلّم المستندات لوالد ياسين.» محمود قال: «وأنا غلطت لما وثقت في الشخص الغلط.» ياسين بص له.«مين؟» محمود سكت. وبعدين قال: «حمدي.» سارة شهقت.«صاحب أبويا؟» محمود هز راسه.«أيوه.» وفي اللحظة دي، موبايل الضابط رن. » سارة شهقت.«صاحب أبويا؟» محمود هز راسه.«أيوه.» وفي اللحظة دي، موبايل الضابط رن. رد. وسمع ثواني. وبعدين بص لياسين.«أستاذ ياسين… في خبر مهم.» «إيه؟» «رجالتنا راحوا عنوان حمدي.» سكت لحظة.«البيت فاضي.» ياسين قال: «هرب؟» الضابط هز راسه.«مش بس هرب.» «أمال؟» الضابط أخرج صورة من موبايله.«لقينا عربية محروقة من ساعة.» سارة قربت.«عربية مين؟ » الضابط بص لياسين.«عربية حمدي.» سارة قالت: «يعني مات؟» الضابط رد: «مفيش جــ,,ـــــثه.» ياسين فهم فورًا. حمدي كان لسه حر. وفجأة موبايل ياسين رن. رقم مجهول. رد. مافيش كلام. بس صوت تسجيل قديم اشتغل. صوت والده.«لو التسجيل ده وصل لياسين… يبقى أنا مت. » ياسين اتجمد. والصوت كمل: «ومتصدقش أي حد يقولك إن فؤاد هو آخر واحد في الموضوع.» سارة بصت له. التسجيل توقف. وبعدها ظهرت رسالة على الشاشة: «لسه ما عرفتش مين . أبوك الحقيقي.» ياسين رفع عينه ببطء. وفي اللحظة دي… عرف إن فؤاد ماكانش نهاية الحكاية. كان مجرد أول خيط.#حكايات_شروق_خالدياسين فضل ماسك الموبايل، وعينيه ثابتة على الرسالة.«لسه ما عرفتش مين . أبوك الحقيقي.» سارة قربت منه.«الرسالة دي من حمدي؟» «مش عارف.» الضابط قال: «ممكن نحدد مصدـ,,ـــر الرقم. » ياسين هز راسه.«اعملوا ده.» فؤاد كان واقف تحت حراسة الشرطة، وابتسامته اختفت تمامًا. ياسين بص له.«إنت كنت عارف إن التسجيل ده موجود؟» فؤاد ما ردش.«رد عليا!» فؤاد قال بهدوء: «أنا عرفت إن أخويا كان بيدور على الحقيقة… بس ما عرفتش هو وصل لإيه. » ياسين قرب منه.«وحمدي؟» فؤاد سكت. سارة بصت لمحمود.«بابا، إنت كنت تعرف إن أبو ياسين سجل الكلام ده؟» محمود قال: «أيوه.» «ليه ما قلتليش؟» «كنت خايف.» «من حمدي؟» «من كل اللي حواليه.» سارة بصت للأرض. كل اللي كانت فاكرته عن أبوها طول السنين بدأ يتغير. كانت فاكرة إنه مجرد راجل بسيط اشتغل طول عمره عشان يوفر لهم أكل وبيت. دلوقتي اكتشفت إنه كان عايش وسط سر كبير، وخباه عنها عشان يحميها. ياسين وقف قدامها.«سارة.» رفعت عينيها.«أيوه؟» «أنا آسف.» «على إيه؟» «إنك دخلتي في كل ده بسبب عيلتي.» سارة هزت راسها.«دي مش غلطتك.» «بس الوظيفة اللي قدمتي عليها النهارده…» ابتسمت رغم خوفها.«أنا كنت داخلة عشان الشغل. » ياسين ابتسم.«وأنا لسه عايزك تشتغلي.» سارة استغربت.«بعد كل اللي حصل؟» «يمكن أكتر من الأول.» «ليه؟» «لأن الشركة محتاجة حد زيك.» سارة ضحكت ضحكة صغيرة.«إنت بتتكلم بجد؟» «جداً. » لكن فجأة، موبايل الضابط أصدـ,,ـــر صوت تنبيه.«لقينا المكان اللي اتبعتت منه الرسالة.» ياسين سأله: «فين؟» الضابط قال: «كافيه صغير في الزمالك.» سارة بصت لياسين.«حمدي؟» «هنعرف.» بعد أقل من ساعة، كان ياسين مع الشرطة في الكافيه. لكن حمدي ماكانش موجود. كان فيه كرسي فاضي، وكوباية قهوة لسه دافية. وعلى الترابيزة ظرف بني. الضابط فتحه بحذر. جواه صورة واحدة. صورة قديمة لياسين وهو طفل، واقف جنب والده. وخلف الصورة مكتوب: «أبوك مات عشان يحمي الشخص اللي بتحاول ت. ه دلوقتي.» ياسين فضل باصص للصورة.«مين الشخص ده؟» ماحدش رد. قلب الصورة. كان فيه اسم واحد. محمود عبد الرحيم. «في إيه؟» ياسين ما جاوبش. مشى ناحية محمود.«ممكن أسألك سؤال؟» محمود قال: «اتفضل.» ياسين رفع الصورة.«ليه أبويا مات وهو بيحميك؟» محمود سكت. سارة قربت.«بابا؟» محمود أخد نفس طويل. وبعدين قال: «لأن أبوك ماكانش بيحميني من فؤاد.» «أمال من مين؟» محمود بص في عيون ياسين.«من حمدي.» ياسين عقد حواجبه.«بس حمدي كان صاحبي أبويا.» «كان بيمثل.» «إنت متأكد؟» «أيوه.» سارة قالت: «طب ليه حمدي كان بيشتغل معاكم كل السنين دي؟ » محمود رد: «لأننا كنا فاكرين إننا خلصنا منه.» «يعني إيه؟» «حمدي ما اختفاش.» سكت لحظة.«هو غير اسمه.» ياسين قال: «لإيه؟» محمود رد: «اسمه الجديد… سامح الديب.» ياسين اتجمد. الضابط قال: «سامح الديب؟» محمود هز راسه.«أيوه.» الضابط فتح موبايله بسرعة. وبعد ثواني قال: «سامح الديب رجل أعمال معروف… وعنده شركة استيراد كبيرة.» ياسين بص له.«فين شركته؟» الضابط قال: «في القاهرة الجديدة.» سارة قالت: «يعني طول الوقت كان قريب؟» محمود رد: «وأقرب مما تتخيلي.» وفجأة… موبايل سارة رن. رقم مجهول. ردت. الصوت اللي جالها كان هادي جدًا: «مساء الخير يا سارة. » سارة اتجمدت.«مين؟» الصوت ضحك.«أنا الشخص اللي أبوكي كان بيخاف منه.» ياسين قرب منها. الصوت كمل: «وقولي لياسين… لو عايز يعرف الحقيقة كاملة، ييجي لوحده.» «فين؟» «المكان اللي بدأ منه كل شيء.» سارة قالت: «فين؟» جاء الرد: «المخزن القديم.» ثم انقطع الخط. ياسين بص لسارة. وفهم إن اللي جاي… مش مجرد مواجهة. دي كانت النهاية اللي حمدي بيخطط لها من سبع سنين. ياسين فضل واقف مكانه ثواني بعد ما المكالمة انتهت. سارة بصت له وقالت: «هتروح؟» ياسين رد من غير تردد: «أيوه. » «قال لوحدك.» «عارف.» «يبقى أنا جاية معاك.» ياسين بص لها.«لأ.» «ياسين…» «المرة دي لأ يا سارة.» «بس الموضوع بقى يخص أبويا وأبوك وماما.» «وعشان كده مش هخليكي تدخلي في خطر تاني.» سارة قربت منه.«أنا مش الطفلة اللي كانت مستخبية ورا باب الأوضة من سبع سنين.» ياسين سكت.«أنا عايزة أعرف الحقيقة زيك.» محمود كان واقف بعيد، ولما سمع كلامها قال: «خليها تروح.» ياسين بص له.«إنت كمان؟» محمود قال: «حمدي عارف إن سارة جزء من الحقيقة. لو سيبتها هنا، مش هتكون في أمان.» ياسين فكر لحظة. وبعدين قال: «تمام.» ركبوا العربية. المرة دي كان معاهم رجال أمن على مسافة بعيدة، من غير ما حمدي يعرف. وصلوا للمخزن القديم بعد منتصف الليل. المكان كان مهجور، والشارع حواليه شبه فاضي. ياسين نزل من العربية. سارة نزلت وراه. قال لها: «خليكي جنبي.» «حاضر.» دخلوا. الظلام كان تقيل. وفجأة اشتغلت لمبة واحدة في آخر المخزن. ظهر رجل واقف جنب مكتب قديم.«أهلًا يا ياسين.» ياسين وقف.«حمدي.» الرجل ابتسم.«أو سامح… زي ما الناس بتحب تناديني دلوقتي.» سارة بصت له بغضب.«إنت خطفت أمي. » «ما لمستهاش.» «كذاب.» «أمك بخير.» ياسين قال: «رجعها.» حمدي ضحك.«بعد ما نتكلم.» «اتكلم.» حمدي حط ملف على المكتب.«دي بداية الحقيقة.» فتح الملف. كانت فيه صور قديمة. صور لوالد ياسين. وصور لمحمود. وصور لفؤاد. لكن وسط الصور كان فيه شخص رابع. سارة قربت.«مين ده؟» حمدي قال: «الشخص اللي كان بيموّل كل حاجة.» ياسين بص للصورة.«مين؟» حمدي رد: «جدك.» ياسين اتصدم.«جدي مات قبل ما أتولد.» «بس كان صاحب الشركة وقتها.» «إنت بتقول إيه؟» حمدي فتح ورقة.«جدك كان عامل شبكة شركات وهمية لتحويل الأموال.» ياسين هز راسه.«مستحيل.» «أبوك اكتشف الحقيقة.» سارة قالت: «وأبويا؟ » «بس كان صاحب الشركة وقتها.» «إنت بتقول إيه؟» حمدي فتح ورقة.«جدك كان عامل شبكة شركات وهمية لتحويل الأموال.» ياسين هز راسه.«مستحيل.» «أبوك اكتشف الحقيقة.» سارة قالت: «وأبويا؟» حمدي بص لها.«أبوك كان أول واحد ساعده. » «وبعدين؟» «لما عرفوا إن الشبكة أكبر مما كانوا متخيلين… قرروا يهربوا بالمستندات.» ياسين قال: «بس أبويا مات.» حمدي سكت. وبعدين قال: «أبوك ما ماتش في دــ,,ـــــادثة.» سارة حطت إيدها على بوقها.«يعني ات..» حمدي هز راسه.«أيوه.» ياسين قبــ,,ـــــض إيده.«مين . ه؟» حمدي بص له مباشرة.«أنا.» الصمت ملأ المكان. سارة شهقت. ياسين قال بصوت منخفض: «إنت؟» «أيوه.» «ليه؟» «لأن أبوك كان هيفضح كل الناس.» ياسين اندفع ناحيته. لكن حمدي رفع إيده.«استنى.» وأخرج فلاشة صغيرة.«قبل ما تعمل أي حاجة، شوف دي.» «إيه دي؟» «آخر تسجيل لأبوك.» ياسين أخدها.«فين التسجيل؟» «على جهاز موجود في البيت القديم لعيلتكم.» «بيت جدي؟» «أيوه.» حمدي قال: «التسجيل ده فيه اسم الشخص اللي أمر ب. أبوك.» ياسين بص له.«وإنت عارف مين؟» حمدي ابتسم.«أنا عارف.» «مين؟» «روح البيت القديم… وشوف التسجيل. » «قول لي هنا.» «لو قلت لك، هت. ني قبل ما تسمع كل الحقيقة.» سارة قالت: «وماما؟» حمدي أشار لباب جانبي. «هناك.» سارة جريت ناحية الباب. فتحته. لقيت أمها قاعدة على كرسي، لكن إيديها ماكانتش مربوطة.«ماما!» أمها قامت وحــ,,ـــــضنتها.«سارة!» سارة بدأت تبكي.«إنتي كويسة؟» «أيوه.» ياسين بص لحمدي.«ليه عملت كل ده؟» حمدي قال: «لأن الحقيقة قربت تظهر.» «وإنت خايف منها؟» «مش أنا اللي خايف.» «مين؟» حمدي بص ناحية باب المخزن. وفجأة… صوت تصفيق جه من الخارج. حمدي نفسه اتجمد. ياسين لف. ورجل دخل ببطء. بدلة غالية. شعره أبيض. ووشه هادي. سارة بصت له. محمود اللي كان لسه داخل مع الشرطة وقف مكانه. وقال بصوت مصدوم: «مستحيل…» ياسين سأله: «مين ده؟» محمود رد: «رئيس مجلس إدارة الشركة القديم.» الرجل ابتسم. وقال: «أنا مش القديم.» وبص لياسين.«أنا صاحب الشركة الحقيقي.» ياسين اتجمد. لأن الرجل… كان عم ياسين الآخر، حسن المنشاوي، اللي الكل كان فاكره مات من عشرين سنة.#حكايات_شروق_خالد

مقالات ذات صلة

بنت المليونير حكايات شروق خالد

انتي اختي

حكايات شروق خالد

جنة الجبل بقلم ايلا ابراهيم ج١

بين نـ,ـارين بقلم ميمو مصطفى ج١

عشان كده

اترك تعليقاً إلغاء الرد