حكايات شروق خالد ج 1
الخوف.
مش على نفسه.
عليها.
لكن سلمى ما كانتش عارفة إن الحقيقة اللي سمعَتها…
كانت مجرد جزء صغير جدًا من مؤامرة أكبر.
وإن الشخص اللي سليم كان بيحاول يحميها منه…
كان واقف بالفعل داخل القصر.
قريب منها جدًا.
أقرب مما تتخيل.
حكايات شروق خالد
سلمى فضلت واقفة قدامه، جسمها بيرتعش، ودموعها بتنزل من غير ما تقدر تمنعها.
“إنت كنت متجوزني عشان ابني؟”
سليم ما ردش.
“رد عليا يا سليم!”
صوتها اتكسر وهي بتقول:
“أنا كنت مجرد وسيلة؟ مجرد واحدة من عيلة معينة عشان تجيب منها طفل؟”
سليم قرب منها خطوة.
هي رجعت لورا بسرعة.
“ماتقربش.”
وقف مكانه.
بص لها طويلًا، وبعدها قال بصوت منخفض:
“اللي سمعتيه حقيقي.”
سلمى حطت إيدها على بطنها.
“يعني هتقت..لني؟”
عين سليم اتغيرت.
“أنا؟”
ضحكت وسط دموعها.
“أنا سمعتك بنفسي.”
“سمعتي آخر جزء من الكلام.”
“والباقي؟”
سليم سكت.
مروان حاول يتدخل:
“سلمى، لازم تسمعيني—”
صرخت فيه:
“إنت اسكت!”
ثم رجعت تبص لسليم.
“ليه؟”
سليم قرب من الشباك وبص للحديقة المظلمة.
“لأن لو عرفتي الحقيقة من بدري، كنتي هتموتي.”
سلمى هزت رأسها بعنف.
“إنت بتكذب.”
“لأ.”
لف لها.
“أنا كذبت عليكي في حاجات كتير، بس دي لأ.”
سكت لحظة، وبعدين قال:
“من أول يوم اتجوزتك، كان فيه ناس بيدوروا على دمك.”
سلمى عقدت حواجبها.
“دمي؟”
“أيوه.”
“أنا مش فاهمة.”
سليم قرب منها، لكن وقف على مسافة.
“عيلتك مش عيلة عادية يا سلمى.”
وشها شحب.
“عيلتي؟”
“أبوكي كان عارف.”
“أبويا مات من عشر سنين.”
“مات… بس قبل ما يموت سلمني سر.”
سلمى كانت بتبص له وهي مش قادرة تستوعب.
“إيه السر؟”
قبل ما يرد، صوت مروان قطع الكلام.
“سليم بيه…”
سليم بص له.
مروان كان ماسك تليفونه ووشه متغير.
“الحراسة لقت عربية واقفة بره السور.”
سليم سأله:
“مين فيها؟”
“مفيش حد.”
“الكاميرات؟”
“اتقطعت من سبع دقايق.”
سليم اتشد.
“هاتلي التسجيلات.”
“مفيش تسجيلات.”
في اللحظة دي، سليم بص لسلمى.
“خدي مريم واطلعي الجناح.”
سلمى ردت بعناد:
“مش هتحرك.”
“سلمى.”
“أنا عايزة أعرف الحقيقة.”
سليم قرب منها وقال:
“لو فضلتي هنا، ممكن تموتي قبل ما تعرفيها.”
الكلمة خوفتها.
لكنها ما اتحركتش.
فجأة دوى صوت طلقة من بره.
مريم، اللي كانت واقفة عند باب الغرفة، شهقت.
الحراسة بدأت تجري في الممرات.
سليم رفع عينيه لمروان.
“حد دخل.”
مروان سحب سلا..حه.
