طبق الكلب الذي أسقط العائلة حكايات شروق خالد
بدأت الجلسة الأولى وسط صمت ثقيل.
القاضي قلب في أوراق الق\ضية دقيقة كاملة، قبل ما يرفع عينه ويقول:
“الق\ضية مش مجرد خلاف أسري… إحنا بنتكلم عن تزوير محررات رسمية، وانتحال شخصية، واستعمال محرر مزور.”
كريم كان واقف في قفص الاتهام، رافع عينه في الأرض.
أما دنيا، فكانت بتحاول تبان قوية، لكن إيديها كانت بتترعش.
محاميهم وقف وقال بثقة:
“موكلتي كانت بتتصرف بتوكيل شفهي من مرات أخوها، وكل اللي حصل سوء تفاهم.”
القاضي بصله وقال:
“هات التوكيل.”
سكت.
“هات أي مستند يثبت كلامك.”
فضل واقف، مش لاقي يرد.
ساعتها محاميَّ طلب الكلمة.
وشغل على شاشة المحكمة تسجيل كاميرات البنك.
ظهر فيه دنيا وهي بتسلم الملف لموظف خدمة العملاء، وبعدها بربع ساعة خرجت ومعاها ظرف كبير.
وبعدين عرض تقرير خبير الطب الشرعي.
الخبير قال بوضوح:
“الإمضاء الموجودة على أوراق القرض لا تطابق إمضاء المجني عليها.”
القاعة كلها همست.
دنيا فقدت لون وشها.
لكن المفاجأة الأكبر كانت لسه جاية.
محاميَّ قال:
“سيدي الرئيس، معانا شاهد جديد.”
الباب اتفتح.
ودخل موظف سابق في شركة دنيا.
وقف قدام المحكمة وقال:
“أنا كنت المدير المالي للشركة.”
القاضي سأله:
“إيه علاقتك بالق\ضية؟”
قال:
“قبل القرض بأسبوع، سمعت المتهمة بتقول بالحرف: (القرض لازم يخلص بسرعة قبل ما الشركة تقع، وهبة عمرها ما هتعرف).”
دنيا صرخت:
“كذاب!”
لكن الراجل طلع موبايله.
وقال:
“كنت مسجل الاجتماع عشان أحمي نفسي.”
اتشغل التسجيل.
وصوت دنيا كان واضح جدًا.
“…المهم كريم يقنعها توقع أي ورقة لو احتجنا، ولو معرفناش هنمشيها بالإمضاء القديمة.”
كريم رفع رأسه لأول مرة.
وبص لأخته بصدمة.
واضح إنه ماكنش يعرف إنها قالت الكلام ده واتسجل.
القاضي أمر بإرفاق التسجيل في الق\ضية.
الجلسة اتأجلت للمرافعة.
…
أول ما خرجوا من المحكمة، الدنيا اتقلبت.
الصحفيين كانوا مستنيين بره.
الكاميرات اتوجهت ناحية دنيا وكريم.
حد سألها:
“حضرتك متهمة بتزوير قرض بملايين الجنيهات، تعليقك إيه؟”
ماعرفتش ترد.
ركبت العربية بسرعة وقفلت الباب.
لكن الفيديو انتشر على مواقع التواصل في ساعات.
شركة التجميل اللي كانت بتديرها أعلنت وقف نشاطها مؤقتًا.
المستثمرين انسحبوا واحد وراء التاني.
والبنك جمّد كل حسابات الشركة لحين انتهاء التحقيقات.
أما كريم…
