حكايات شروق خالد ج2
«هو اللي قت..ل الناس اللي كانوا بيحموني. وهو اللي دبّر الحريق اللي خلاك تفتكر إني مت.»
سلمى قربت من أبوها.
«طب ليه رجعت دلوقتي؟»
والدها بص لبطنها.
«عشان الوقت خلص.»
سلمى ضمت بطنها بإيديها.
«يعني إيه؟»
«الطفل قرب يتولد.»
سليم قال بعصبية:
«قول الحقيقة كاملة.»
والد سلمى بص له.
«الحقيقة إن عيلتك وعيلتي كانوا داخلين في صفقة قذرة من سنين. كانوا بيستخدموا أبحاث طبية سرية على أفراد من عيلتنا بسبب تركيبة دم نادرة.»
سلمى شهقت.
«وأنا؟»
«إنتِ آخر شخص يحمل التركيبة دي.»
«والطفل؟»
«ورثها.»
سليم قبض إيده.
«عشان كده كانوا عايزينها.»
«مش بس عشان كده.»
والد سلمى بص لسليم.
«عشان ابنك هو أول طفل اتولد بالتركيبة دي من غير ما يكون مريض.»
سلمى بصت لسليم.
«إنت كنت عارف؟»
سليم سكت.
«كنت عارف؟!»
قال بصوت منخفض:
«كنت عارف جزء.»
ضحكت سلمى وسط دموعها.
«جزء؟ أنا سمعتك بتقول إن جوازي منك كان خطة.»
«كان في الأول.»
الكلمة وجعتها أكتر من أي شيء.
سليم قرب منها.
«لكن بعد ما عرفتك… كل حاجة اتغيرت.»
«إمتى؟»
«من أول مرة شفتي فيها إنسان مش رجل أعمال ولا الشخص اللي الناس بتخاف منه.»
سلمى هزت راسها.
«بس إنت كنت ناوي تقت..لني.»
«لا.»
«أنا سمعتك.»
«العملية اللي سمعتي عنها مش كانت لقت..لك.»
سلمى سكتت.
«كانت عملية لإنقاذ الطفل لو اضطرينا نخرجه قبل الولادة.»
والدها قاطعهم:
«هو بيقول الحقيقة في النقطة دي.»
سلمى بصت له.
«طب مين قال للدكتورة نجلاء إني مش هعيش؟»
سليم رفع عينه.
«عمي.»
وفجأة، صوت مروان جه من آخر النفق.
«سليم بيه!»
الكل لف.
مروان كان واقف وهو ماسك موبايله.
«وصلني تسجيل.»
شغله.
صوت الدكتورة نجلاء ظهر بوضوح:
«لو سليم عرف إن العملية الحقيقية كانت لإنقاذ سلمى، كل الخطة هتنهار.»
وبعدها صوت عم سليم:
«خليها تصدق إننا هنقت..لها.»
سلمى غمضت عينيها.
الحقيقة بدأت تتجمع.
كان في شخص بيحاول يخلّيها تكره سليم.
وتثق في خوفها.
وتجري ناحية المكان اللي هم محددينه.
سليم بص لمروان.
«فين عمي؟»
مروان رد:
«في القصر.»
سليم ابتسم ابتسامة باردة.
«يبقى هو مستنينا.»
والد سلمى قال:
«لا.»
سليم بص له.
«ليه؟»
«لأن الشخص اللي في القصر مش عمك.»
سليم اتصدم.
«إيه؟»
والد سلمى أشار للتسجيل.
«ده تسجيل قديم.»
مروان قرب الموبايل.
«قديم قد إيه؟»
«من أسبوعين.»
سلمى شهقت.
«يعني مين كان في القصر من شوية؟»
