حلمنا المفقود#حكايات_شروق_خالد

“من قبل ما أتزوجك أساساً.”نفسي اتقطع ومكنتش عارفة أتنفس. قرب مني وهمس بالحقيقة. فضلت مبلمة وباصالة لعدة ثواني. وبعدين بصيت للبنت. وكل حاجة ركبت على بعضها في عقلي فجأة. المستشفى. المكالمة. كرتونة الهدوم اللي أحمد رفض يرميها طول السنين دي.

طلعت أتسحب في الممر ورجلي تخبط في بعضها قبل ما تخذلني وأقع من طولي أرضاً. عشان البنت الصغيرة اللي جوه الأوضة دي مظهرتش في حياتنا بالصدفة. وأحمد كان عارف إن اليوم ده ممكن يجي من قبل ما أنا أعرف بكتير.

#حكايات_شروق_خالدوانا واقفة بره الأوضة بحاول ألملم نفسي، أحمد خرج ورايا ومسكني من دراعي وهو بيعيط بحرقة:”اسمعيني يا سارة.. والدي -الله يرحمه- كان متجوز زمان قبل أمي من ست تانية من الصعيد، وخلف منها بنت ومحدش كان يعرف خالص..

الست دي اتوفت وهي بتولد، وعيلتها رفضوا يعترفوا بالبنت أو ينسبوها لهم بسبب مشاكل عائلية قديمة، فوالدي كتبها باسمه وسجلها وسابها مع ناس قرايبه من بعيد يربوها وكان بيبعتلهم مصاريفها في السر.. والبنت دي لما كبرت واتجوزت، كانت هي أختي الوحيدة من الأبوين اللي ملهاش حد غيري.

“دموعي نزلت وأنا مش فاهمة:”طب وايه علاقة ده بالطفلة دي يا أحمد؟”صوته اترعش وهو بيكمل:”أختي دي كانت حامل، وجوزها اتوفى في حادثة من ست شهور.. وهي بتتولد النهاردة جاها نزيف حاد، والدكاترة معرفوش ينقذوها..

وقبل ما تسلم روحها، وصت الممرضة إن محدش يستلم بنتها غيري، وإن اسمي هو الوحيد المكتوب في أوراق أمانات الطفل.”شريط السنين كلها مر قدام عينيا في ثانية..افتكرت كرتونة الهدوم اللي كان رافض يرميها..

افتكرت لما كان يسرح ويقولي: “يمكن ربنا شايلنا الأمل في وقت نكون خلاص فقدنا فيه الأمل..”افتكرت كلامه عن إن البنت دي حلمنا اللي هيجي في وقته وميعاده. أحمد مكنش خاين، ولا كان مخبي عليا مصيبة..

أحمد كان شايل سر أبوه وتقله طول السنين دي، وكان عارف إن أخته ملهاش غيره، وإن لو حصلها حاجة، بنتها ملهاش غير بيتنا. بصيت له ودموعي نازلة، وبعدين بصيت للباب المقفول بتاع الأوضة اللي فيها الطفلة. رجعت دخلت الأوضة بخطوات بطيئة، وقربت من السرير الصغير.

. رفعتها بين إيديا بحرص شديد، وحطيتها على صدري.. البنت فتحت عينيها الصغيرين وبصتلي، وكأنها كانت مستنية الضمة دي من زمان. أحمد دخل ورايا وهو خايف من رد فعلي، فنطقت وأنا ببتسم من وسط دموعي:”سميتها إيه يا أحمد؟”أحمد اتنهد بنشجة بكا وقالي: “كنت مستنيكي إنتي اللي تسميها.