زعيم المافيا والچرسونة:ج2 .#حكايات_شروق_خالد

. الشغل!”حاولت تقوم تاني، بس إلياس حط إيده ببطء على كتفها وسندها ترجع للمخدة: “الوردية خلصت، والمطعم مقفول.. وإنتي مش هتروحي في أي حته.”داليا بصت له بذهول، وافتكرت اللقطات الأخيرة قبل ما تغيب عن الوعي.. الكاسات وهي بتتكسر، والأرض الرخام، والراجل اللي مسكها قبل ما تقع.

“حضرتك.. مستر إلياس؟” صوتها كان طالع بالعافية ومبحوح. “أنا أسفة على الخمر اللي اترمى.. والله العظيم هتدفع ثمنه من مرتي—””داليا,” إلياس قاطعها بصوت دافي، ولأول مرة يناديها باسمها الأول. “الخمر مدفوع ثمنه، والمطعم أخد إجازة، والمدير مش هيقدر يخصم منك جنيه واحد.

“دمعة نزلت من عين داليا بالراحة ومشت على خدها الباهت: “محمود.. محمود هيقتـ,ـلي لو عرف إن سيبت الشغل ومجمعتش الفلوس بتاعت النهاردة.. “إلياس ميل عليها شوية، وبص في عينيها بثبات وقال كل كلمة بوضوح:”محمود مش هيلمسك تاني يا داليا.. محمود مش موجود في حياتك من اللحظة دي.

“داليا بصت له بذهول، ومش قادرة تستوعب الكلام: “يعني إيه؟.. إنت عملت فيه إيه؟ “”عملت اللي كان لازم يتعمل من زمان,” إلياس رد ببرود، وقام وقف جنب الشباك. “من النهاردة، إنتي مقيمة هنا لحد ما تصحي وترجعي لراحتك. وعلاجك، وشغلك، وحياتك كلها هتبقى تحت حمايتي.””بس أنا.. أنا معرفكش!

إنت ليه بتعمل معايا كل ده؟ ” داليا سألت وهي بتعيط بالراحة، بين الخوف والأمل اللي مكنتش متوقعة تشوفه تاني. إلياس لف وبص لها، ونظرة عينيه كانت حادة وواثقة:”عشان مفيش حد بيتظلم في مكان أنا لي فيه كلمة.

. وإنتي من النهاردة، بقيتي في حمايتي. “الجزء الخامسالدموع كانت نازلة من عين داليا ومش قادرة تقف. الكلام اللي سمعته من إلياس كان جديد عليها؛ بقالها سنين متعودة إن أي حاجة بتعملها أيا كانت هي السبب في الضـ,ـرب والاهانة، وإن القوة دايماً في إيد اللي بيأذي.

“بس محمود مش هيسيبني.. ” داليا قالتها بصوت مرتعش وهي بتحاول تمسك الدموع: “محمود واصل.. وعارف ناسي وعارف كل مكان ممكن أروح فيه. ده غير إنه جوزي بالقانون!”إلياس ابتسم ابتسامة خفيفة مليانة ثقة وبرود، وقرب خطوات من السرير:”القانون اللي بتتكلمي عنه ده بيمشي على بني آدمين، مش على واحد بيستقوى على ست في الضلمة.

وبالنسبة لموضوع جوزك.. ورقة طلاقك هتكون هنا قبل ما الأسبوع ده يخلص. ومحمود مش هيقدر يرفع عينيه في الشارع، ناهيك عن إنه يفكر يمر من جنب الشارع اللي إنتي فيه.”داليا كانت بصاله بذهول، كأنها بتسمع حكاية من عالم تاني. “طب والمطعم؟ الشغل اللي بعيش منه؟