زعيم المافيا والچرسونة: ج1 حكايات شروق خالد
إلياس محركش عينيه عنها ولا ثانية، وإيده كانت ثابتة على كوعها عشان يحميها من أي مطب في الشارع. لما وصلوا، مريم كانت مستنية على العتبة. شنطتها الجلد الكبيرة في إيدها، وملامحها هادية وثابتة بالطريقة اللي بتيجي بس من سنين من التعامل مع بلاوي ما بين إطلاق رصاص وعظام مكسورة.
دخلوا الأوضة اللي في الدور الأرضي. مريم متكلمتش كتير؛ نزلت على ركبتها جنب السرير، وبدأت تقطع قميص الخدم الممزق بمقص طبي بهدوء تام. النور الأبيض القوي بتاع اللمبة الطبية كشف الحقيقة كاملة.. الحقيقة اللي كانت مستخبية تحت ضلوع داليا ووسط ضحكات الزباين وصوت الكاسات وهي بتترزع.
> “ضلوعها الشمال مكسورة.. تلاتة منهم,” مريم قالت صوتها هادئ بس جاد. “وفيه كدمة قديمة في الكتف التاني عاملة التهاب داخلي. دي مش خناقة.. دي مش ضـ,ـربة عشوائية في الشارع.”> إlias وقف جنب الباب، حاطط إيديه في جيبه، وعينيه مثبتة على وش داليا اللي كان باهت وفاقد الصبا.
“مين عمل كده؟” سأل، وصوته كان واطي لدرجة إضافت هدوء مرعب للوضّة.”مش عارفة لسه.. بس الضـ,ـرب ده اتكرر بانتظام. مش اقل من ست شهور، ويمكن أكتر. كل ما العظم يبدأ يلتئم، يرجع يتكسر تاني في نفس المكان تقريباً.” مريم بصت له فوق نظارتها الطبية.
“إلياس.. البنت دي كافحت عشان تفضل عايشة لحد اللحظة دي بمعجزة.”الموبايل في جيب إلياس رن. كان المدير. باعت كل الملفات في ملف بي دي إف على الواتساب زي ما طلب، ومعاها تفاصيل تانية. إلياس فتح الملف على تليفونه.
مرر صباعه بسرعة على الورق الرقمي: العنوان، رقم التليفون، تاريخ التعيين، وسجلات الحضور والغياب. وبعدين نزل تحت خالص لحد قسم العلاقات والطوارئ. اسم الشخص المسؤول في حالات الطوارئ.. اسم الراجل اللي عايش معاها في نفس الشقة في حي بعيد شوية عن وسط البلد.
“محمود صبري.”إلياس قرا الاسم بصوت عالي كأنه بيطعم الكلمة لطعْم المرارة في بقه. فتح تطبيق تاني على تليفونه، وبضغطة واحدة، اتصل برقم خاص جداً. رنة واحدة.. واترد عليه.”باشا,” صوت خشن جه من الناحية التانية.
“عايز عنوان محمود صبري، وشغال فين، وكل حركة عملها خلال الـ ثمانية والأربعين ساعة اللي فاتوا. وعايزه قدامي في المخزن القديم اللي في حي البساتين خلال نص ساعة.””أمرك يا إلياس بيه.. هو فيه إيه؟
