الانترفيو
_دخليلي الي هتعمل الانترفيو
-حاضر يفندم حالا
-انسه وعد يلا ادخلي
=تمام عن اذنك
“دخلت المكتب ب ضهري قفلت الباب وفضلت وقفه دقيقه صمت”
=ي يارب انا عبيطه والله اقف معايا
_ايه ياانسه الباب عجبك لدرجه؟؟
=هه حضرتك ازيك
_حضرتك ازيك؟مش كانت ازي حضرتك؟
=اي ده متعرفش أنهم غيروها
_ياشيخه؟
=طبعا اومال
_اتفضلي ياانسه..وهاتي السيفي بتاعك
“اديتو السيفي وكل ميقرا يبصلي ويبرق لحد م\وترني ف قولتله”
=هوا في هما كاتبين كلام قليل الادب ف السيفي بتاعي وله ايه!!
_ضحك وقلي لا ابدا بس هيئتك متقولش انك بتفهمي ف كل ده؟
=اه مهو تحت الحساوي دهاوي
_تحت ايه ياختي؟
=تحت القهاوي قواهي
_انتي متوتره وله عبيطه ب الفطره؟
=ونبي يخويا معرف بس ماما بتقول عليا عبيطه إنما بابا بياكد كلامها اختي بقا واثقه فيا دايما واخويا بقا
_باااس هوا انا هخطبك ياانسه متهمدي
=هه سوري معلش
_…
=طب انا كده مقبوله وله مرفوضه
_السيفي بتاعك مبهر بس شخصيتك اعبط من كده!!
=لالا انا ف الشغل جد الجد شغلني وقسما بالله هبهرك
_مش مرتاحلك بس هكسب فيكي ثواب
=الله يخليك يارب يعلي من مراتك ويبقو ٣ مرات وتنام مرتاح ويارب تروح البيت تلاقي مامتك عملالك فراخ محمره ويارب تلاقي
_باااااس باس ياست الحجه بس مش مديكي 5 جنيه انا عشان تقولي كل ده
=شكرا يافندم شكرا باي باي
“وقفت سلمت علي وجيت عند الباب ف ندهلي”
_انسه وعد اشمعنا فراخ محمره؟
=اصلي بحبها اوي انت مش متخيل بتبقي حلوه مع الرز والملوخيه ازاي
_رز وملوخيه؟؟
=اه سوري شكلك من ايجبت قصدي مع رايز وجرين سوب
“لحظه صمت ولقيته انفجر من الضحك وقلي امشي عشان ميرجعش ف كلامو”
=ماماععععععععع زغرطي ياوليا بنتك هتشتغل ف شركههههه
-وده مين الموكوس ابن الموكووووسه الي هيشغلك
=ياست سوسو انتي مستقليه بيا بس انا جوهره
-جوهره الرقاصه؟
=دانتي ست طموحه جدا نفسك بنتك تبقا رقاصه
-ياريت تبقا ليكي فايده يااخره صبري تعالي هنا تعالي
“جريت عليها وح*ضنتني وباست خدي ميغركوش انها مش طيقاني بس نبع الحنان بتم\وت فيا”
=عملالنا غدا ايه يست الكل
-فراخ محمره و
=وراز وجرين سوب؟
-ج ايه يختي؟؟؟
=سوري يماما سوري افتكرت حاجه كده هغير واجي
“دخلت غيرت وغسلت وشي ولميت شعري وفتكرت ضحكه المدير العسل بلزمه مينفعش يحصل مشكله ويطردني ويرجعني ويحبني ويتجوزني زي الناس التركيين دول وله انا حظي زي قعر الحله المصديه وله ايه”
